ભારે કરી / એક હજાર રૂપિયા આપો તો જ ગામમાં આવું : તલાટી મંત્રીનો AUDIO વાયરલ

• તલાટી મંત્રીની વિવશતા આવી સામે 
• ખીસામાં પૈસા નથી,હજાર આપો તો આવું 
• 10 કિલોમીટર કાપી ઓફીસ આવવાના એક હજાર 

જૂનાગઢના કુકસવાડા ગામના તલાટી મંત્રીનાં ગજબના વર્તનનો ઓડિયો વાયરલ થયો છે.જેમાં અરજદાર પાસે તલાટી મંત્રી રૂપિયા 1000નીમાંગણી કરે છે.આ માંગણી કોઈ લાંચ નથી પરંતુ તલાટીની મજબૂરી છે કારણકે,તલાટી પાસે ઓફીસ આવવાના પૈસા નથી. માત્ર 10 કિલોમીટરનું અંતર કાપી ઓફીસ આવવાના રૂપિયા એક હજારની માંગણી કરતા ઓડીયોએ ચકચાર મચાવી છે.

 ઉધાર સમજીને આપો -તલાટી મંત્રી 

જુનાગઢ તાબાના ચોરવાડ  નજીક આવેલા કુકસવાડા ગામના મહિલા તલાટી મંત્રી મેના સોલંકીએ અરજદારનું કામ કરવા અને ઓફીસ આવવા માટે પૈસા માંગતો એક ઓડિયો વાયરલ થતા ચકચાર મચી ગઈ છે. તલાટી મંત્રી મેના સોલંકી કહે છે કે, ઓફીસ આવવાના પૈસા નથી. રૂપિયા એક હજારની વ્યવસ્થા કરી આપો તો ઓફીસ આવી શકું.કુક્સવાડાના એક અરજદારે તલાટી મંત્રી ઓફીસ્દ આવ્યા છે કે નહિ એ જાણવા ફોન કર્યો હતો,ત્યારે તલાટી મંત્રી મેના સોલંકીએ અરજદાર પાસે આ પ્રકારની માંગણી કરી હતી.

ગ્રામજનોની આજીજી  

સરકારનો મફત પગાર લેતા તલાટીના ઓડિયોની ભારે ચર્ચા થઇ રહી છે.જૂનાગઢમાં રહેતા તલાટી મંત્રી ચોરવાડ પંચાયત આવ્યા હતા ત્યારે ચોરવાડથી કુક્સ્વાદાનું અંતર માત્ર 10 કિલોમીટર છે  
તલાટી મંત્રીની પંચાયતનું ગામ 10 કિમી દૂર છતાં 1 હજાર માગ્યા વાત ગામમાં ચર્ચાનો વિષય બની ગઈ છે. સ્થાનિક ગ્રામવાસીઓ તલાટી મંત્રીને ગાડીથી લાવવા-લઈ જવાની વાત કરે છે
પંચાયતના કામ પૂરા કરવા ગામલોકો તલાટી મંત્રીને બોલાવી રહ્યા છે,છતાં ટસના ms નહિ થતા તલાટી મંત્રી પાસે ગ્રામજનોને કરગરવાનો  વારો આવ્યો છે