ચેતી જજો / જો વારંવાર તરસ લાગતી હોય તો ચેતી જજો, આ ગંભીર બીમારીનાં હોય શકે છે સંકેત

• વધારે તરસ લાગવી ખતરનાક સાબિત થઇ શકે છે
• આ ગંભીર બીમારીના હોય શકે છે લક્ષણ 
• ન કરો આ બાબતને ઇગ્નોર 

વધારે તરસ લાગવી ખતરનાક સાબિત થઇ શકે છે

ભારતમાં ઉનાળાની શરૂઆત થઇ ગઈ છે, આવામાં, વધારે પાણી પીવાની જરૂર પડે છે. પરંતુ, જો તમને વધારે તરસ લાગે છે, તો સમય રહેતા ચેતી જવું જરૂરી છે કેમકે આ ડાયાબિટીસનાં શરૂઆતનાં લક્ષણો હોય શકે છે, સારું રહેશે કે તમે બ્લડ શુગર લેવલની તરત જ તપાસ કરાવી લો. આ સાથે જ એ પણ જરૂરી છે કે તમે ડાયાબિટીસના અમુક શરૂઆતી લક્ષણો જાણી લો. 

ડાયાબિટીસનાં લક્ષણો 

1. વારંવાર તરસ લાગવી 

ડાયાબિટીસમાં વારંવાર તરસ લાગવાની સમસ્યા પેદા થઇ શકે છે. જ્યારે લોહીમાં શુગરની માત્રા વધે છે, ત્યારે કિડની તેને સરળતાથી ગાળી શકતી નથી. શરીરમાં પાણીની અછત થવાને કારણે વારંવાર તરસ લાગે છે. આ ઉપરાંત, જો તમને ભૂખ પન્વાધારે લાગે છે, તો એ પણ ડાયાબિટીસનાં સંકેત હોય શકે છે. 

2. વજન ઘટવું 
ડાયાબિટીસનાં દર્દીઓનું વજન ઝડપથી ઘટવા માંડે છે. હાઈ બ્લડ શુગર ફેટને સ્ટોર કરવા પર અસર કરે છે, જેથી વજન ઘટી શકે છે. 

3. વારંવાર યૂરીનની તકલીફ 
કિડની લોહીમાં હાજર રહેલા વધારે શુગરને ફિલ્ટર કરી શકતી નથી. એટલા માટે શુગર યૂરીનનાં માધ્યમથી બહાર આવે છે. યૂરીન વધારે આવવાને કારણે શરીરમાં પાણીની અછત થઇ શકે છે. 

4. વધારે થાક લાગવો અને માથું દુખવું 
જો તમને વધારે થાક, માથું દુખવું, આંખોમાં ધૂંધળું દેખાવું અને હૃદયનાં ધબકારા વધવા જેવા લક્ષણો જોવા મળે છે, તો પોતાના બ્લડ શુગર લેવલને ચેક કરાવવું જરૂરી છે.