તમારા કામનું / આ દસ્તાવેજ નહીં હોય અને પોલીસે પકડ્યા તો થશે રૂ.1000નો દંડ! જાણો ઓનલાઈન કઈ રીતે કરવું ડાઉનલોડ

• દરેક વાહનોનું પીયુસી સર્ટિફિકેટ હોવુ અનિવાર્ય
• જો તમારી પાસે ન હોય તો પીયુસી તો આ રીતે કરો પ્રોસેસ
• ઓનલાઇન-ઓફલાઇન બંને રીતે કરી શકો છો એપ્લાય  

કેન્દ્રીય મોટર વાહન નિયમો 1989 હેઠળ, ભારત સરકારે PUC (પોલ્યુશન અંડર કંટ્રોલ) પ્રમાણપત્ર ફરજિયાત બનાવ્યું છે. વ્હિકલ રજિસ્ટ્રેશન સર્ટી, ડ્રાઇવિંગ લાયસન્સ અને મોટર ઇન્સ્યોરન્સપોલિસીની જેમ, PUC સર્ટી પણ તમામ વાહનો માટે અનિવાર્ય છે. પછી તે ટુ વ્હિલર હોય કે ફોર વ્હિલર.PUC પ્રદૂષણ સ્તરને નીચું રાખવામાં મદદ કરે છે અને તે એક વર્ષથી જૂના વાહનો માટે માન્ય છે. કોઈપણ નવા વાહનને એક વર્ષ માટે પ્રદૂષણ પરીક્ષણમાંથી મુક્તિ આપવામાં આવે છે. PUC પ્રમાણપત્રની જાળવણી ન કરવા પર 1000 રૂપિયાનો દંડ થઈ શકે છે. ત્યારે આવો જાણીએ કેવી રીતે પીયુસી સર્ટી ડાઉનલોડ કરવું.

PUC (પોલ્યુશન અંડર કંટ્રોલ) પ્રમાણપત્ર શું છે?

પેટ્રોલ અથવા ડીઝલ પર ચાલતા વાહનો હવામાં ધુમાડો છોડે છે જેમાં CO2, NOxનું મિશ્રણ હોય છે. જેનાથી હવાનું પ્રદૂષણ થાય છે.  PUC પ્રમાણપત્ર અથવા વાહન પ્રદૂષણ પ્રમાણપત્ર અધિકૃત પ્રદૂષણ પરીક્ષણ કેન્દ્ર દ્વારા જાહેર કરાયેલ દસ્તાવેજ છે જે વાહનમાંથી થતું ઉત્સર્જનનું સ્તર જણાવે છે. આ કેન્દ્રો દ્વારા વાહનનું પરિક્ષણ કર્યા પછી તેમાંથી થતુ ઉત્સર્જન સરકાર દ્વારા નિર્ધારિત ધોરણોની અંદર છે કે કેમ તેની ખાતરી કર્યા પછી જ પીયુસી આપવામાં આવે છે. 

PUC કેવી રીતે મેળવવું ?

તમે સરકારી સંલગ્ન PUC કેન્દ્રો અને આરટીઓ જેવી અધિકૃત સંસ્થાઓ પાસેથી ઓનલાઈન અથવા ઑફલાઈન માન્ય PUC પ્રમાણપત્ર મેળવી શકો છો. 

PUC પ્રમાણપત્ર ઑફલાઇન કેવી રીતે મેળવવું?

• તમારા વાહનને એમિશન ટેસ્ટ સેન્ટર (ઉત્સર્જન પરીક્ષણ કેન્દ્ર) પર લઈ જાઓ જ્યાં કમ્પ્યુટરની સુવિધા હોય છે
• આ કેન્દ્ર ટેલ પાઇપમાં એક યંત્ર લગાવીને કારની તપાસ કરશે અને  ઉત્સર્જન સ્તરની તપાસ કરશે
• ફી ભરો અને પીયુસી પ્રમાણપત્ર મેળવો

PUC પ્રમાણપત્ર ઓનલાઈન કેવી રીતે મેળવવું ?

• સત્તાવાર વેબસાઇટ www.parivahan.gov.in પર જાઓ
• તેમાં ટ્રાન્સપોર્ટેશન સેક્શનમાં જાઓ. 
•  તમારો 5 અંકનો વાહન ચેસીસ નંબર દાખલ કરો 
•  વાહન નોંધણી નંબર પણ દાખલ કરો
• 'PUC વિગતો' પસંદ કરો
• તેની પ્રિન્ટ આઉટ લો.