- શિયાળામાં ડેન્ડ્રફની સમસ્યા થતી હોય છે
- શુષ્ક હવામાન અને વાળમાં જમા થયેલી ગંદકીને કારણે ડેન્ડ્રફ થાય
- ડેન્ડ્રફને દૂર કરવા માટે કેટલાક ઘરેલું ઉપાય
સામાન્ય રીતે શિયાળામાં ડેન્ડ્રફની સમસ્યા થતી હોય છે. આ ઠંડીના દિવસોમાં ડેન્ડ્રફને કારણે છોકરીઓ ન તો કોઈ હેરસ્ટાઈલ બનાવી શકે છે અને ન તો વાળ બરાબર ખુલ્લા રાખીને ફરી શકે છે. અત્યારની સિઝનમાં વાળમાં કાંસકો ફેરવતાની સાથે જ ડેન્ડ્રફ પાવડરની જેમ આખા વાળમાં ફેલાઈ જાય છે. જો કે આ ડેન્ડ્રફ પાછળનું કારણ શુષ્ક હવામાન અને વાળમાં જમા થયેલી ગંદકી હોઈ શકે છે. આ શિયાળાના દિવસોમાં અમે તમને ડેન્ડ્રફને દૂર કરવા માટે કેટલાક ઘરેલું ઉપાય જણાવવા જઈ રહ્યા છીએ. જેને અજમાવીને તમે ડેન્ડ્રફથી છુટકારો મેળવી શકો છો.
લીમડાની પેસ્ટ
પ્રાચીન સમયથી જ ડેન્ડ્રફથી છુટકારો મેળવવા માટે લીમડાનો ઉપયોગ કરવામાં આવે છે જણાવી દઈએ કે લીમડામાં એન્ટિફંગલ અને એન્ટીબેક્ટેરિયલ ગુણ હોય છે અને તેને કારણે લીમડો ડેન્ડ્રફને દૂર કરવામાં અસરકારક છે. શિયાળામાં માથામાંથી ડેન્ડ્રફ દૂર કરવા માટે લીમડાના પાનને પીસીને પેસ્ટ બનાવો અને આ પેસ્ટને લગભગ અડધા કલાક સુધી વાળમાં રાખીને ધોઈ લો.
એપલ વિનેગર
ડેન્ડ્રફથી છુટકારો મેળવવા માટે એપલ વિનેગરને પાણીમાં મિક્સ કરીને વાળમાંથી ડેન્ડ્રફ દૂર કરી શકાય છે. જણાવી દઈએ કે ડેન્ડ્રફ દૂર કરવા માટે 2 મગ પાણીમાં એપલ વિનેગર મિક્સ કરીને વાળમાં સારી રીતે લગાવો અને આ મિશ્રણને વાળમાં 2-4 મિનિટ રહેવા દો અને પછી વાળ ધોઈ લો.
નાળિયેર તેલ અને લીંબુ
જણાવી દઈએ કે નાળિયેર તેલ વાળ માટે ખૂબ જ ફાયદાકારક છે અને આ શિયાળામાં ડેન્ડ્રફ દૂર કરવા માટે નારિયેળના તેલમાં લીંબુ મિક્સ કરીને વાળના મૂળમાં લગાવો. એ બાદ 10-15 મિનિટ પછી વાળ ધોઈ લો આમ કરવાથી ડેન્ડ્રફની સમસ્યા દૂર થાય છે.
દહીં
એક્સપર્ટની માનીએ તો ખટાશને કારણે વાળમાંથી ડેન્ડ્રફ ગાયબ થઈ જાય છે અને જો તમારે ડેન્ડ્રફથી છુટકારો મેળવવો હોય તો ખાટા દહીંને સસ્કેલ્પ અને વાળમાં સારી રીતે લગાવો અને તેને 20-25 મિનિટ માટે રહેવા દો. આ પછી ઠંડા પાણીથી વાળ ધોઈ લો. આ રીત અજમાવવાથી ડેન્ડ્રફ તો દૂર થશે.
એલોવેરા જેલ
જણાવી દઈએ કે એલોવેરામાં એન્ટીબેક્ટેરિયલ અને એન્ટીફંગલ ગુણ હોય છે જે વાળમાંથી ડેન્ડ્રફને દૂર કરવામાં મદદ કરે છે. એલોવેરા જેલ કાઢીને વાળમાં 15-20 મિનિટ સુધી રહેવા દો અને પછી વાળ ધોઈ લો.આ રીત અજમાવવાથી ડેન્ડ્રફ તો દૂર થશે.
