જો તમે પણ બ્લોટિંગની સમસ્યાથી પરેશાન છો, તો આજે જ છોડી દો આ 4 ખાદ્યપદાર્થો. થોડા દિવસોમાં જ મળશે રાહત
બ્લોટિંગની સમસ્યા આજકાલ સામાન્ય સમસ્યા
ફાઈબરથી ભરપૂર ખોરાકનું ન કરો સેવન
થોડા જ દિવસોમાં જોવા મળશે ફાયદો
બ્લોટિંગની સમસ્યા આજકાલ સામાન્ય સમસ્યા
આજકાલની ખરાબ લાઇફ્સ્ટાઈલ અને અનહેલ્ધી ફૂડ હેબીટસનાં કારણે લોકોને ઘણી સ્વાસ્થ્યને લગતી સમસ્યાઓનો સામનો કરવો પડી શકે છેઆવમાં પેટને હંમેશા આપણે ઇગ્નોર કરીએ છીએ. અનહેલ્ધી ફૂડ લેવાથી પેટને સૌથી વધારે ભોગવવું પડતું હોય છે. આવામાં પેટની સમસ્યા અને સોજાનો સામનો કરવો પડી શકે છે. વ્યક્તિને બ્લોટિંગની સમસ્યાનો પણ સામનો કરવો પડે છે. જ્યારે વ્યક્તિને બ્લોટિંગની સમસ્યા થાય છે, ત્યારે લક્ષણોનાં રૂપમાં ગેસ બનવો, પેટમાં દુખવું વગેરે લક્ષણો જોવા મળે છે. આવામાં જો કોઈ વ્યક્તિ થોડું સાવધાન રહે, તો સમસ્યા દૂર પણ કરી શકાય છે. આપણી આસપાસ અમુક એવી વસ્તુઓ હાજર છે, જેના સેવનથી બ્લોટિંગની સમસ્યા વધી શકે છે.
બ્રોકલી
જો તમને બ્લોટિંગની સમસ્યા છે, તો આવામાં બ્રોકલીનું સેવન ન કરવું જોઈએ. બ્રોકલી પચવામાં અઘરી છે, જેને કારણે બ્લોટિંગની સમસ્યા વધી શકે છે.
સફરજન
જો કોઈને બ્લોટિંગની સમસ્યા છે, તો સફરજનને પોતાના ડાયટમાં સામેલ ન કરો. કેમકે સફરજન ફાઈબરનો રિચ સોર્સ છે, જે ન માત્ર ગેસની સમસ્યા પેદા કરી શકે છે, પરંતુ સોજો અને પેટમાં દુખાવાને પણ પેદા કરી શકે છે.
લસણ
સાંભળીને નવાઈ લાગશે પણ લસણ પણ બ્લોટિંગની સમસ્યા વધારી શકે છે. જણાવી દઈએ કે લસણની અંદર ફ્રુક્ટેન હોય છે, જે બ્લોટિંગની સમસ્યા વધારી શકે છે.
કઠોળ
કઠોળના સેવનથી બ્લોટિંગની સમસ્યા વધી શકે છે. આવામાં વ્યક્તિને બ્લોટિંગની સમસ્યા થવા પર તેનું સેવન ન કરવું જોઈએ. કઠોળમાં ભરપૂર માત્રામાં ફાઈબર હોય છે, જે ન માત્ર ઝાડાની સમસ્યા પેદા કરે છે, પરંતુ પેટમાં સોજો અને દુખાવાનો પણ સામનો કરવો પડે છે.