ક્રિકેટ / તમે જ્યારે ભારતમાં રમતા હોવ તો....: અમદાવાદ ટેસ્ટ મેચ પહેલા ઓસ્ટ્રેલિયાના કોચનું મોટું નિવેદન

• ઓસ્ટ્રેલિયન ટીમે ઈન્દોર ટેસ્ટ મેચમાં શાનદાર વાપસી કરી
• ટીમ ઈન્ડિયાને પડકાર આપવા માટે "એકદમ પરફેક્ટ" હોવું જરૂરી છે
• ઓસ્ટ્રેલિયાના મુખ્ય કોચ એન્ડ્રુ મેકડોનાલ્ડે કહી આ વાત 

ભારત અને ઓસ્ટ્રેલિયા વચ્ચે 9 માર્ચથી સીરિઝની ચોથી ટેસ્ટ મેચ શરૂ થઈ રહી છે. ઈન્દોરમાં ત્રીજી ટેસ્ટ મેચ હાર્યા બાદ ટીમ ઈન્ડિયા થોડી વધુ સાવધાન થઈ ગઈ છે એવામાં હવે ટીમ ઈન્ડિયા આ ચોથી ટેસ્ટ મેચને જીતીને વર્લ્ડ ટેસ્ટ ચેમ્પિયનશિપની ફાઇનલમાં જગ્યા બનાવવા માંગશે. જ્યારે ઓસ્ટ્રેલીયાની ટીમ મેચ જીતીને સીરિઝને સરખા આંકડે પૂરી કરવાનો પ્રયત્ન કરશે.

આ બધા વચ્ચે ઓસ્ટ્રેલિયાના મુખ્ય કોચ એન્ડ્રુ મેકડોનાલ્ડે સ્વીકાર્યું છે કે ટીમ ઈન્ડિયાને પડકાર આપવા માટે "એકદમ પરફેક્ટ" હોવું જરૂરી છે અને તેની ટીમે આ ટેસ્ટ ટુર વિશે જે વિચાર્યું હતું તેના કરતા ઈન્દોર ટેસ્ટમાં બમણું હાંસલ કર્યું હતું. જણાવી દઈએ કે ચાર મેચની સિરઝની પહેલી બે મેચને હાર્યા બાદ બોર્ડર-ગાવસ્કર સીરિઝ ગુમાવનાર ઓસ્ટ્રેલિયન ટીમે ઈન્દોર ટેસ્ટ મેચમાં શાનદાર વાપસી કરી હતી.

Australia win the Third Test by 9 wickets. #TeamIndia 🇮🇳 will aim to bounce back in the fourth and final #INDvAUS Test at the Narendra Modi Stadium in Ahmedabad 👍🏻👍🏻

Scorecard ▶️ https://t.co/t0IGbs2qyj @mastercardindia pic.twitter.com/M7acVTo7ch

— BCCI (@BCCI) March 3, 2023

નોંધનીય છે કે ટીમે પહેલી જ બોલથી સ્પિનરોની મદદથી પીચ પર ભારતને નવ વિકેટથી હરાવ્યું હતું.આ વિશે વાત કરતાં મેકડોનાલ્ડે કહ્યું હતું કે "જ્યારે તમે ભારતમાં રમો છો, ત્યારે સફળતા માટે તમારે સંપૂર્ણતા એટલે કે પરફેક્શન પ્રાપ્ત કરવી પડશે અને તેની આસપાસ રહેવું પડશે.મને લાગે છે કે 11 રનની અંદર છ વિકેટ ગુમાવવા સિવાય, અમે તે મેચમાં સંપૂર્ણ નજીક હતા.''

How impressive is this?

The @crickettas team made sure all their opponents left with a special gift during the National Indigenous Championships 🤝 #NICC2023 pic.twitter.com/3FQzq3cPJb

— Cricket Australia (@CricketAus) March 4, 2023

મેકડોનાલ્ડે આગળ આ વિશે વાત કરતાં જણાવ્યું હતું કે, ' ટીમના મુખ્ય ખેલાડીએ કોઈ પણ સ્થિતિમાં રમત શીખવું જોઈએ અને હાલ ટીમના મુખ્ય ખેલાડીઓ ઉપમહાદ્વીપની પરિસ્થિતિઓમાં રમવા વિશે શીખી રહ્યા છે અને આ તેમને ભવિષ્યમાં મોટી સફળતા મળશે. ઉપમહાદ્વીપમાં દરેક ખેલાડીની સફર ક્યાંક ને ક્યાંકથી શરૂ થાય છે અને મને ખાતરી છે કે ખેલાડીઓનું એક જૂથ છે જે આગામી વખતે વધુ અનુભવ સાથે અને પડકારો માટે તૈયાર હશે. ઉપમહાદ્વીપના આ ભાગમાં ભારતના અન્ય હિસ્સાઓમી તુલનામાં અલગ અલગ મુશ્કેલીઓનો સામનો કરવો પડી શકે છે.' 

આગળ એમને કહ્યું કે 'જો ટીમે દિલ્હીમાં એક સિઝનમાં ખરાબ ક્રિકેટ ન રમી હોત તો ઓસ્ટ્રેલિયાને બોર્ડર ગાવસ્કર ટ્રોફી જીતવાની તક મળી હોત અને ઈન્દોરમાં નસીબે ટીમનો પૂરતો સાથ આપ્યો હતો. 

કોચે કહ્યું, "માર્નસ (લાબુશેન) નો બોલ પર બોલ્ડ થયો હતો." આ ઉપરાંત અમે તકોનો ખૂબ સારી રીતે લાભ ઉઠાવ્યો. ઉસ્માન એ ફ્લાઈંગ કેચ લીધો. લેગ સ્લિપમાં સ્મિથના કેચનો આ મેચ જીતવામાં ઘણો ફાળો હતો. અની સામે જો આપણે દિલ્હી ટેસ્ટ સાથે સરખામણી કરીએ તો, સ્મિથે પ્રથમ સ્લિપમાં અને મેટ રેનશોએ લેગ સ્લિપમાં એક-એક કેચ છોડ્યો હતો. એક કલાકની ખરાબ રમતમાં અમે બધું ગુમાવી દીધું. સારું ક્રિકેટ રમવા છતાં અમારે ટેસ્ટ મેચ હારીને કિંમત ચૂકવવી પડી હતી."