દેશમાં કોરોના વેક્સિનનું રસીકરણ શરૂ થવાની તૈયારીઓ છે જો કે સાયબર ક્રાઇમ વિભાગની આશંકાઓ મુજબ આ દિશામાં ફ્રોડ થવાની સંભાવના હતી જો કે હવે આવા ફ્રોડ બનવાનું શરૂ પણ થઈ ગયું છે. અમુક ઇ-મેલ્સ દ્વારા યુઝર્સને વેક્સિન વહેલા મેળવવા માટે અમુક પૈસાની ડિમાન્ડ કરવામાં આવી રહી છે. જો કે, આ ઇ-મેલ્સ ફક્ત છેતરપિંડી પર આધારિત છે.
સરકારના સાયબર સિક્યુરિટી વિભાગે આપી ચેતવણી
રસીકરણ માટે લોકોને આવી રહ્યા છે ફ્રોડ ઇ - મેલ્સ
દેશમાં વેક્સિનેશન શરૂ થવાનું છે ત્યારે સાયબર ફ્રોડ વાળા એક્ટિવ
કોરોના રસીકરણની પ્રક્રિયા જ્યાં સમગ્ર વિશ્વમાં શરૂ થઈ ગઈ છે, અને આપણા દેશમાં શરૂ થવાની તૈયારી છે ત્યારે તેને લઈને અમુક સમસ્યાઓ સામે આવી રહી છે, જેમાં સૌથી મોટી સમસ્યા સાયબર ફ્રોડની છે. આ છેતરપિંડી રસીકરણના રજીસ્ટ્રેશન ઇ-મેલ્સથી થાય છે. ગૃહ મંત્રાલયના સાયબર સિક્યુરિટી વિભાગના ઓફિશિયલ ટ્વિટર હેન્ડલ, 'સાયબર દોસ્તે', આવી જ છેતરપિંડી તરફ ધ્યાન દોર્યું છે જેમાં સાયબર ફ્રોડના ઈ-મેલ દ્વારા લોકોને શિકાર બનાવવાનો પ્રયાસ કરાઇ રહ્યો છે. અને લોકો પાસેથી પૈસા પણ મંગાઈ રહ્યા છે.
Due to apprehension associated with COVID-19, Cyber criminals are playing various tricks. They may offer to “pay and register” in getting priority to receive first CORONA VACCINE, through malicious link, mail, message or phone call. Be aware otherwise you may get defrauded.
લોકોને કોરોના વેક્સિનેશન ને લગતા ઇ-મેલ મોકલવામાં આવી રહ્યા છે, જેમાં એવો દાવો કરવામાં આવી રહ્યો છે કે તેમની પોતાની વિગતો સાથે નોંધણી કરીને, તેઓને રસી આપવામાં અગ્રતા આપવામાં આવશે. આ માટે લોકોને જલ્દીથી વેક્સિનની લિસ્ટમાં સામેલ થવાનું કહેવાઈ રહ્યું છે જેથી કરીને કે તેમને વહેલા રસી મળી શકે.
આ ઇ-મેલ દ્વારા,યુઝર્સને અગ્રતાના ક્રમે પર રસી મેળવવા માટે કેટલાક પૈસા ચૂકવવા કહેવામાં આવે છે. જો કે, આ ઇ-મેલ્સ ફક્ત છેતરપિંડીના કાવતરા પર આધારિત છે અને તેમની કોઈ સરકારી વિભાગ સાથે કોઈ લિંક નથી. આવી સ્થિતિમાં, આવા ઈ-મેલ લોકોમાં નવો ડર પેદા કરી શકે છે. ટ્વીટ્સ દ્વારા લોકોને કોઈ પણ ઈ-મેલ, ટેક્સ્ટ, ફોન અથવા અન્ય કોઈ માધ્યમો દ્વારા આવી છેતરપિંડીમાં સામેલ થવા જણાવ્યું નથી.
સાયબર ક્રિમીનલ્સ યુક્તિઓ અજમાવી રહ્યા છે
ટ્વિટમાં, એવું કહેવામાં આવ્યું છે કે કોરોનાના સમયમાં, સાયબર ક્રિમિનલ્સ કેટલીક યુક્તિઓ અપનાવી રહ્યા છે, જેના દ્વારા તમને કોરોનાની રસી પ્રથમ મળે તે માટે ઇ-મેઇલ, ફોન કોલ્સ દ્વારા ઠગાવી શકાય છે. આ સ્થિતિમાં સાવચેત રહો અને આવી છેતરપિંડીથી બચવું.
ધ્યાનમાં રાખો કે કોરોના રસીથી સંબંધિત કોઈપણ નીતિ કોઈ પણ ઓફિશિયલ મીડિયા, ટીવી, ન્યૂઝ ચેનલના સત્તાવાર ટ્વિટર હેન્ડલ દ્વારા આપવામાં આવશે. આવી સ્થિતિમાં, રસીકરણ અંગે અપનાવવામાં આવતા કાવતરાઓનો ભોગ બનશો નહીં. જો આવી કોઈ મેઇલ અથવા ફોન તમારી પાસે આવે છે, તો તેની સાથે વ્યક્તિગત માહિતી શેર કરશો નહીં.