ક્રિકેટ / IND vs ENG: જો મને કોઈ મેદાન પર હસતો દેખાયો તો... કેપ્ટન કોહલીના આ શબ્દોએ છેલ્લા દિવસે મેચ જિતાડી, જુઓ VIDEO

ભારત અને ઈંગ્લેન્ડ વચ્ચે ચાલી રહેલી ટેસ્ટ શ્રેણીની બીજી ટેસ્ટ ભારતે 151 રને જીતી લીધી હતી. લોર્ડ્સમાં રમાયેલી આ મેચમાં ભારતે રોમાંચક વિજય મેળવ્યો હતો. 

આખરી દિવસે જબ્બર રસાકસી 
મેચના આખરી દિવસે મોહમ્મદ શમી અને બૂમરાહે શાનદાર બેટિંગ કરતાં 89 રનની નોટઆઉટ ભાગીદારી નોંધાવી હતી. બંનેએ કેટલાક દર્શનીય શોટ્સ ફટકાર્યા હતા તો સાથે શમીએ તો પોતાના ટેસ્ટ કરિયરનૉ હાઈએસ્ટ સ્કોર નોંધાવ્યો હતો. 

કેપ્ટનનો રોલ 
બીજી ટેસ્ટની શરૂઆતમાં પ્રથમ ઇનિંગ દરમિયાન લોકેશ રાહુલની સદી હોય કે શમિની ફિફ્ટી, બૂમરાહની બોલિંગ હોય કે આખરી ઓવર્સમાં સિરાજનો સ્પેલ ભારતીય ખેલાડીઓના પ્રદર્શનના ચારે તરફ વખાણ થઈ રહ્યા છે પરંતુ કેપ્ટન કોહલીના યોગદાનને ઓછું ન્ આંકી શકાય. કોહલીનો ચાર બોલર્સ સાથે ઉતરવાનો પેંતરો સાચો સાબિત થયો હતો. અશ્વિન વિના જ ઉતરેલા કોહલીની બ્લૂ બ્રિગેડે ચાર ફાસ્ટ બોલર્સ સાથે ઇંગ્લેન્ડની ટીમને નરક યાદ કરાવી દીધું હતું. 

કોહલીના શબ્દો સોશ્યલ મીડિયામાં વાયરલ 
આખરી દિવસે જ્યારે ઈંગ્લેન્ડની ટીમને 60 ઓવર્સ રમવાની હતી ત્યારે ભારતીય ખેલાડીઓને કેપ્ટન કોહલીએ મોટીવેશન આપ્યું હતું.  કેપ્ટન કોહલીના આ શબ્દો સોશ્યલ મીડિયામાં ખૂબ વાયરલ થયા હતા. આ કોઈ ફિલ્મી સીનથી કમ ન્હોતો. શું હતા કેપ્ટન કોહલીના શબ્દો?

કેપ્ટન કોહલી કહ્યું હતું કે, ''જો કોઈ મને મેદાન પર મજાક કરતું (હસતું) દેખાયું તો જોઈ લેજો. આ 60 ઓવર્સ ઇંગ્લેન્ડને નરક જેવા લાગવી જોઈએ''

As the Indian players got into team huddle before the start of innings, Virat Kohli was apparently seen saying,

"If I see someone laughing, then see! This 60 overs you should field like hell." #Virat #ViratKohli #IndvsEng #ENGvIND pic.twitter.com/nTNMsE5H4T

— Hemant Singh (@hemantkms) August 16, 2021

બસ પછી તો શું જોઈતું હતું. કેપ્ટન કોહલીના ધૂરાંધરોએ કાતિલ બોલિંગ શરૂ કરી અને બૂમરાહ, શમી, સિરાજ અને ઈશાંત ચારેય ઇંગ્લેન્ડની ટીમ પર ફરી વળ્યા.  નવા બોલ અને વિકેટ તરફથી મળતી મદદ બોલરોએ એ રીતે યુઝ કરી કે ઈંગ્લેન્ડના ધુરંધર બેટ્સમેનોને પણ એક પછી એક ધૂળ ચાટતા કરી દીધા. ભારત 151 રને લોર્ડ્સમાં ઐતિહાસિક ટેસ્ટ મેચ જીતી ગયું અને આ વિડીયો સોશ્યલ મીડિયામાં લોકો માટે ચર્ચાનું  કેન્દ્ર બન્યો.