રાજકોટમાં રસ્તો ક્રોસ કરી રહેલા વૃદ્ધને, સિટી બસ ચાલકે માર માર્યો હોવાનો વિડીયો વાયરલ થતા હોબાળો. રાજકોટ મહાનગર પાલિકા કમિશનર અમિત અરોરાએ કહ્યું કે, આ મામલે તપાસ કરાશે
રાજકોટમાં સિટીબસ ચાલકની લુખ્ખી દાદાગીરી
વૃદ્ધને ફટકારતો વિડીયો વાયરલ થતા આક્રોશ
મ્યુનિ. કમિશનરે કહ્યું, સમગ્ર ઘટનાની તપાસ કરાશે
રાજ્યના મહાનગરોમાં મહાનગર સંચાલિત સ્થાનિક બસ સેવાનાં ચાલકોની દાદાગીરી ખુલ્લે આમ થતી હોય છે. વાહનને પોતાની માલિકી અને શહેરના માર્ગોને જાગીર સમજીને માતેલા સાંઢની માફક બસ દોડાવતા ચાલકો ક્યારેક રાહદારીને અડફેટે લઇ જીવ સુદ્ધા લઇ લે છે. ક્યારેક યુનિયન, નાગરીકો સામે રોષે ભરાઈને વીજળીક હડતાલ કરી દેતા હોય છે. ક્યારેક વાહન ચાલકોને રસ્તા વચ્ચે મારતા નજરે પડે છે. આવી જ એક ઘટના રાજકોટમાં બની છે. જેમાં રસ્તો ક્રોસ કરી રહેલા વૃદ્ધને, સિટી બસ ચાલકે માર માર્યો હોવાનો વિડીયો વાયરલ થતા હોબાલી મચી ગયો છે. રાજકોટ મહાનગર પાલિકા કમિશનર અમિત અરોરાએ કહ્યું છે કે, આ મામલે તપાસ કરવામાં આવશે.
રાજકોટના માલવિયા નગરમાં બેફામ આવી રહેલી સિટી બસ પર ધ્યાન ના પડતા એક વાહન ચાલક વૃદ્ધ પોતાના દ્વિ-ચક્રી વાહન પર રસ્તો ઓળંગી રહ્યા હતા. રસ્તાને પોતાની જાગીર સમજિ બેઠેલા માથા ફરેલો બસ ચાલકે, વૃદ્ધને મારવા માંડ્યો. વૃદ્ધને બસ ચાલક માર મારતો હોવાનો વીડિયો પણ વાયરલ થયો હતો.
મહાપાલિકા કમિશનરનું નિવેદન
રાજકોટના માલવિયા ચોકમાં સિટી બસ ચાલકની દાદાગીરી અને વૃદ્ધને માર મારવાની બાબત શહેરના મહાપાલિકા કમિશનર સુધી પહોચી હતી. કમિશનર અમિત અરોરાએ આ ઘટના અંગે કહ્યું કે, આ મામલે તપાસ કરવામાં આવશે. આ આગાઉ જ્યારે આવા પ્રકારની ઘટના બની હતી ત્યારે, ડ્રાઇવરને છુટા કરાયા છે. આવા બનાવ ના બને તે માટે સિટીબસની એજન્સીને સૂચના આપવામાં આવશે. અને જરૂર પડ્યે બસોની સ્પીડને પણ લિમીટ કરાશે.