વિમેન્સ ક્રિકેટ વર્લ્ડ કપ ક્વોલિફાયર રદ
ઝીમ્બાબ્વેમાં રમાનાર ICC વિમેન્સ ક્રિકેટ વર્લ્ડ કપ ક્વોલિફાયર રાઉન્ડ કોવિડનાં ખતરાંના કારણે રદ કરવામાં આવ્યો છે. સાઉથ આફ્રિકામાં ફેલાયેલ કોરોનાના નવા વેરિયન્ટના કારણે આ નિર્ણય લેવાની ફરજ પડી હતી
2022 માં ન્યૂઝીલેન્ડમાં મહિલા ક્રિકેટ વર્લ્ડકપ
2022 માં ન્યૂઝીલેન્ડમાં મહિલા ક્રિકેટ વર્લ્ડકપ રમવાનો છે. જેના માટે ત્રણ ટીમો સિલેકટ કરવા માટે હાલમાં જીમબાબ્વેમાં ક્વોલિફાયર રાઉન્ડ ચાલી રહ્યો છે. પરંતુ કોવિડના ખતરાંના કારણે ICC Women's Cricket World Cup Qualifier રદ કરવાની ફરજ પડી છે.
કોરોના વાયરસના પ્રકોપથી થોડી રાહત મળ્યા બાદ જીવન ધીરે ધીરે પાટા પર આવી રહ્યું છે, પરંતુ ફરી એકવાર મોટા ખતરાની ઘંટડી વાગી છે. વૈજ્ઞાનિકો સાઉથ આફ્રિકામાંથી ફેલાયેલા ઓમિક્રોન વેરિએન્ટ' અંગે ખૂબ જ ભયભીત છે અને વિશ્વને ચેતવણી આપી રહ્યા છે. નવા વેરિએન્ટ દ્વારા ઉભા થયેલા ખતરાને ધ્યાનમાં રાખીને વર્લ્ડ હેલ્થ ઓર્ગેનાઇઝેશન પણ સતર્ક બની ગયું છે. તો શું વિશ્વમાં કોરોનાની ત્રીજી લહેર આવશે તે વિશે મોટી ચિંતા ઊભી થઈ છે.
હવે વધતાં ભયના કારણે વર્લ્ડકપ ટુર્નામેંટ અગાઉ રમાનાર ક્વોલિફાયર રદ કરવાની ફરજ પડી છે. જેના કારણે નુકસાન અન્ય ટીમોને જવાનું છે જે ટીમો ICC રેન્કીંગમાં ખૂબ પાછળ છે કારણ કે હવે રેન્કીંગમાં ટોપ પર રહેલી ટીમોને સીધું સ્થાન મળી જશે અને તેમના વચ્ચે જ વર્લ્ડકપ રમાશે
નવા વેરિઅન્ટને 'ઓમિક્રોન નામ અપાયું
હકીકતમાં, વાયરસના પ્રકારને કોઈ દેશના નામ પર રાખવાની કોઈ સત્તાવાર પરવાનગી નથી. વર્લ્ડ હેલ્થ ઓર્ગેનાઇઝેશન (ડબ્લ્યુએચઓ)એ સૂચના આપી છે કે કોઈ વેરિએન્ટને તેના મૂળ દેશ તરીકે નામ ન આપવું જોઈએ. બોત્સ્વાનાને સૌથી વધુ 32 મ્યુટેશન B.1.1.529 મળ્યા હોવાથી તેને ઓમિક્રોન વેરિએન્ટ' તરીકે પણ ઓળખવામાં આવે છે.
ઓમિક્રોન વેરિયન્ટના લક્ષણો શું છે
સાઉથ આફ્રિકાના નેશનલ ઈન્સ્ટીટ્યુટ ફોર કમ્યુનિકેબલ ડિસિઝે જણાવ્યું કે B.1.1.529 ના સંક્રમણ બાદ હાલમાં કોઈ અસાધારણ લક્ષણો સામે આવ્યા નથી. જોકે ડેલ્ટા જેવા વેરિયન્ટથી સંક્રમિત દર્દીઓની જેમ ઓમિક્રોન વેરિયન્ટનથી સંક્રમિત વ્યક્તિઓમાં લક્ષણો જોવા મળતા નથી.
આ વૅરિયન્ટને ખતરનાક કેમ માને છે નિષ્ણાતો
કોરોનાનો નવો વેરિયન્ટ ઓમીક્રોન (B.1.1.529)ની શરૂઆતના રિપોર્ટ ખૂબ જ ચોંકાવનારો છે. WHOએ એને વેરિયન્ટ ઓફ કન્સર્ન જણાવ્યો છે. દક્ષિણ આફ્રિકાનાં 3 ક્ષેત્રમાં દરરોજ મળી આવતા 90% કેસ આ જ વેરિયન્ટના છે, જે 15 દિવસ પહેલાં માત્ર એક જ હતો. વૈજ્ઞાનિકોને આ જ વાત સૌથી વધુ ભયભીત કરી રહી છે, કારણ કે અત્યારસુધીમાં સૌથી ઝડપી સંક્રમણ ફેલાવનારો વેરિયન્ટ ડેલ્ટા હતો, જેને કારણે દુનિયામાં ત્રીજી લહેર આવી હતી. વિશ્વભરના નિષ્ણાતો આ પ્રકારના વેરિયન્ટને એક મોટો ખતરો ગણી રહ્યા છે. નિષ્ણાતોના મતે B.1.1.529 વેરિએન્ટમાં ચેપ વધુ ઝડપી ગતિએ ફેલાશે તેવી સંભાવના છે. લંડનની ઇમ્પિરિયલ કોલેજના વાયરસ નિષ્ણાત ડો. ટોમ પીકોકે આ અઠવાડિયાની શરૂઆતમાં તેમના ટ્વિટર એકાઉન્ટ પર વાયરસના નવા વેરિએન્ટની જાણ કરી હતી. તેમણે કહ્યું હતું કે, તે વિશ્વભરમાં મુખ્ય ડેલ્ટા સ્ટ્રેઇન સહિત અન્ય કોઈ પણ વેરિએન્ટ કરતાં વધુ ખરાબ થવાની ક્ષમતા ધરાવે છે. ત્યારથી વૈજ્ઞાનિકોની નજર આ વેરિઅન્ટ પર છે.
ઓમિક્રોન પ્રત્યે વિશ્વભરની પ્રતિક્રિયા કેવી
બી.૧.૧.૫૨૯ વેરિએન્ટ વિશે આખી દુનિયાને ચેતવણી આપવામાં આવી છે. આફ્રિકન દેશોની ફ્લાઇટ્સ બંધ થવા લાગી છે. ઇઝરાયલે સાત આફ્રિકન દેશોની મુસાફરી પર પ્રતિબંધો લાદ્યા છે. ઇઝરાયલ સરકારે એસ આફ્રિકા, લેસેથો, બોત્સ્વાના, ઝિમ્બાબ્વે, મોઝામ્બિક, નામિબિયા અને ઇસ્વતિની જેવા દેશોને લાલ યાદીમાં મૂક્યા છે. દરમિયાન, યુકેએ છ આફ્રિકન દેશોમાંથી અવરજવર પર પ્રતિબંધ મૂક્યો છે. સરકારે આ દેશોની તમામ ફ્લાઇટ્સ બંધ કરી દીધી છે. સિંગાપોરે આફ્રિકન દેશોની ફ્લાઇટ્સ પણ બંધ કરી દીધી છે.
ભારત સરકારે બી.1.1.529 વેરિએન્ટને ધ્યાનમાં રાખીને કયા પગલાં લીધાં
દરમિયાન, ભારત સરકારે રાજ્યોને તમામ આંતરરાષ્ટ્રીય મુસાફરો પર સઘન તપાસ કરવા જણાવ્યું છે. ખાસ કરીને એસ.આફ્રિકા, હોંગકોંગ અને બોત્સ્વાનાથી સીધા આવતા અથવા પસાર થતા લોકોની કડક સ્ક્રીનિંગનું નિર્દેશન કરવામાં આવ્યું છે. કેન્દ્રીય આરોગ્ય સચિવ રાજેશ ભૂષણે રાજ્યોને લખેલા પત્રોમાં કહ્યું છે કે આવા લોકોના સ્થાન પર નજર રાખવી જોઈએ. પત્રમાં કહેવામાં આવ્યું છે કે તપાસમાં સકારાત્મક મળેલા લોકોના નમૂનાઓ જીનોમ સિક્વન્સિંગ મારફતે વેરિએન્ટને શોધવા માટે તાત્કાલિક લેબમાં મોકલવા જોઈએ.
કોરોનાના નવા ઓમીક્રોન વેરિઅન્ટને લઇ ગુજરાત સરકાર એલર્ટ
દુનિયાભરમાં કોરોના વાયરસનાં નવા વેરિયન્ટ જેને ઓમિક્રૉન નામ આપવામાં આવ્યું તેને લઈને ખૂબ જ ચિંતા ફેલાઈ ગઈ છે. પ્રધાનમંત્રી મોદી પણ તાબડતોબ ટોચના અધિકારીઓ સાથે બેઠકો કરી રહ્યા છે ત્યારે ગુજરાત સરકાર પણ હવે અલર્ટ થઈ ગઈ છે. નોંધનીય છે કે આ વેરિયન્ટનાં કારણે દુનિયાના કેટલાય દેશોમાં ઈમરજન્સી જેવી સ્થિતિ લાગુ કરી દેવામાં આવી છે, WHOએ પણ દુનિયા આખીને અલર્ટ થઈ જવા માટે ચેતવણી આપી છે. નિષ્ણાતો માને છે કે આ નવો વેરિયન્ટ ડેલ્ટા વેરિયન્ટ કરતાં પણ ખતરનાક છે.
