ડોનાલ્ડ ટ્રમ્પનો ભારત પ્રવાસ સમગ્ર વિશ્વમાં છવાયેલો છે. મોટેરા સ્ટેડીયમમાં થયેલા ઐતિહાસિક નમસ્તે ટ્રમ્પ કાર્યક્રમનો નોંધ દુનિયાભરમાં લેવામાં આવી. પરંતુ ડોનાલ્ડ ટ્રમ્પના ભાષણમાં સચિનનો ઉલ્લેખ સોશિયલ મીડિયામાં સૌથી વધુ ચર્ચાનો વિષય બન્યો છે.
ડોનાલ્ડ ટ્રમ્પે સચિન તેંડુલકરને સૂચિન કહ્યું
ICCએ વીડિયો પોસ્ટ કરીને ટ્રમ્પને કર્યા ટ્રોલ
ડોનાલ્ડ ટ્રમ્પે સંબોધનમાં હિન્દી શબ્દોમાં કર્યા ગોટાળા
અમેરિકાનાં રાષ્ટ્રપતિ ડોનાલ્ડ ટ્રમ્પ બે દિવસીય ભારતના પ્રવાસે છે. અમદાવાદના મોટેરા સ્ટેડીયમમાં બે દેશોના નેતાઓએ ઈતિહાસ રચી દીધો. સ્ટેડીયમમાં હજારોની સંખ્યામાં ભીડ ભેગું થઇ હતી. પરંતુ હવે ડોનાલ્ડ ટ્રમ્પનું મોટેરા સ્ટેડીયમનું ભાષણ હાસ્યનું કારણ પણ બની રહ્યું છે. અમેરિકાનાં રાષ્ટ્રપતિ ડોનાલ્ડ ટ્રમ્પે પોતાના ભાષણમાં બોલિવૂડથી લઇ ક્રિકેટની વાત કરી હતી. જોકે ભાષણમાં ડોનાલ્ડ ટ્રમ્પે સચિન તેંડુલકરને સૂચિન કહેતા સોશિયલ મીડિયામાં ખૂબ ઠેકડી ઉડાવવામાં આવી રહી છે.
મોટેરા સ્ટેડીયમમાં સંબોધન દરમિયાન અમેરિકન રાષ્ટ્રપતિએ ક્રિકેટનો ઉલ્લેખ કરતા કહ્યું હતું કે આ તે દેશ છે જેણે વિશ્વને સચિન તેંડુલકર અને વિરાટ કોહલી જેવા ખેલાડી આપ્યા. ટ્રમ્પે જયારે વિરાટ કોહલીનું નામ લીધું ત્યારે આખું સ્ટેડીયમ તાળીઓ અને ચિચિયારીઓના ગડગડાટથી ગૂંજી ઉઠ્યું હતું. જોકે સચિનનાં નામનો ખોટો ઉચ્ચારણ કરવાથી આઈસીસી ટ્વીટર હેન્ડલથી એક વીડિયો પોસ્ટ કર્યો.
ICCએ ટ્વીટર હેન્ડલથી વીડિયો પોસ્ટ કર્યો જેમાં ઘણા વિકલ્પ બતાવવામાં આવ્યા જેથી સચિનનું નામ બદલી શકાય? આઈસીસીએ સચિનનું નામ બદલીને સૂચિન કરી બતાવ્યું. જે બાદ આ વીડિયો સોશિયલ મીડિયામાં ખૂબ વાયરલ થઇ રહ્યો છે.