ક્રિકેટ / ઝિમ્બાબ્વેએ પાકિસ્તાનને ફક્ત 1 રનથી હરાવ્યું, T20 વર્લ્ડ કપમાં મોટો ઉલટફેર, છેલ્લી ઓવર રોમાંચક બની

• T20 વર્લ્ડ કપમાં મોટો ઉલટફેર
• ઝિમ્બાબ્વેએ પાકિસ્તાનને 1 રનથી હરાવ્યું 
• ઝિમ્બાબ્વેએ કર્યાં 131 રન
• પાકિસ્તાને બનાવ્યાં 129 રન 

ટી-20 વર્લ્ડ કપમાં ઝિમ્બાબ્વેએ પાકિસ્તાનને એક રનથી હરાવ્યું હતું. ગુરુવારે પર્થમાં રમાયેલી મેચમાં ઝિમ્બાબ્વેએ પાકિસ્તાનને 131 રનનો ટાર્ગેટ આપ્યો હતો પરંતુ પાકિસ્તાની ટીમ આઠ વિકેટ ગુમાવીને 129 રન બનાવી શકી હતી. ટી20 વર્લ્ડ કપમાં પાકિસ્તાનનો આ બીજો પરાજય છે. આ પહેલા પાકિસ્તાન ભારત સામે પણ હારી ગયું હતું. 

ICC T20 World Cup 2022, Super 12 | Zimbabwe (130/8) beat Pakistan (129/8) by 1 run

(Pic Source: ICC) pic.twitter.com/MwsuwDb1Ae

— ANI (@ANI) October 27, 2022

છેલ્લી ઓવર રોમાંચક રહી 
પાકિસ્તાનને છેલ્લી ઓવરમાં 11 રનની જરૂર હતી. નવાઝે પ્રથમ બોલ પર ત્રણ રન લીધા હતા. ત્યારબાદ વસીમે આગળના બોલ પર ચોગ્ગો ફટકાર્યો હતો. હવે પાકિસ્તાનને ચાર બોલમાં ચાર રન બનાવવાના હતા. ત્યાર બાદ વસીમે ત્રીજા બોલ પર એક રન લીધો એટલે કે હવે ત્રણ બોલમાં ત્રણ રન કરવાના હતા. ચોથા બોલ પર નવાઝ કોઈ રન બનાવી શક્યો નહોતો જેને કારણે પાકિસ્તાનને બે બોલમાં ત્રણ રન બનાવવાના હતા. આને કારણે નવાઝ પર પ્રેશર વધી ગયું હતું અને તે પાંચમા બોલમાં આઉટ થઈ ગયો હતો. છેલ્લા બોલમાં ત્રણ રન કરવાના હતા પરંતુ પાકિસ્તાની ટીમ ફક્ત એક રન જ બનાવી શકી હતી આ રીતે તેનો 1 રને પરાજય થયો હતો. 

#ICCT20WorldCup ज़िम्बाब्वे ने पाकिस्तान को 1 रन से हराया।

ज़िम्बाब्वे ने पहले बल्लेबाजी करते हुए पाकिस्तान को 131 रनों का लक्ष्य दिया था जिसका पीछा करते हुए पाकिस्तान की टीम ने 20 ओवर में 8 विकेट के नुकसान पर 129 रन बनाए।

(फोटो सौजन्य: ICC) pic.twitter.com/73egKAU7VT

— ANI_HindiNews (@AHindinews) October 27, 2022

મોહમ્મદ વસીમે ચાર વિકેટ ઝડપી
પાકિસ્તાન માટે ફાસ્ટ બોલર મોહમ્મદ વસીમે 24 રન આપીને ચાર વિકેટ ઝડપી હતી. આ સાથે જ સ્પિનર શાદાબ ખાને 23 રન આપીને ત્રણ વિકેટ ઝડપી હતી. હરીસ રઉફે ટી-20 બોલિંગમાં પણ પોતાનું શ્રેષ્ઠ આર્થિક પ્રદર્શન કર્યું હતું. હારિસ રઉફે ચાર ઓવરમાં મેઇડન સાથે 12 રન આપ્યા હતા અને એક વિકેટ ઝડપી હતી.

ટી20 વર્લ્ડ કપમાં પાકિસ્તાનનો બીજો પરાજય

ઉલ્લેખનીય છે કે ટી20 વર્લ્ડ કપમાં પાકિસ્તાનનો આ બીજો પરાજય છે. આ પહેલા પાકિસ્તાન ભારતે સામેની મેચ હારી ચૂક્યું છે. ટી20 વર્લ્ડ કપમાં પાકિસ્તાનનો દેખાવ કંગાળ બની રહ્યો છે તો બીજી તરફ ભારત બે જીત સાથે પોઈન્ટ ટેબલમાં ટોપ પર આવ્યું છે.