T 20 World Cup 2021 / VIDEO: પાકિસ્તાની ખેલાડીએ માત્ર 7 બોલ રમીને જીતી લીધો ખાસ ઍવોર્ડ, અફઘાનિસ્તાનીઓનું દિલ તોડ્યું

• પાકિસ્તાને અફઘાનિસ્તાનને પાંચ વિકેટથી હરાવ્યું
• પાકિસ્તાની ટીમના આક્રમક ખેલાડીની સિદ્ધીથી જીત્યું પાક.
• માત્ર 7 બોલમાં પ્રતિસ્પર્ધી ટીમનું દિલ તોડી નાખ્યું

આસિફ અલીનું મહત્વનું યોગદાન

પાકિસ્તાન ટીમ તરફથી છઠ્ઠા ક્રમાંકે બેટીંગ કરવા ઉતરેલા આસિફ અલીનું મહત્વનું યોગદાન રહ્યું. જેણે માત્ર 7 બોલમાં 4 મોટા છગ્ગા ફટકારી પાકિસ્તાન ટીમને જીતાડી હતી. રસપ્રદ વાત એ છે કે આસિફ અલીએ આ ચાર છગ્ગા કરીમ જનાતની એક ઓવરમાં ફટકાર્યા. આ ખાસ પ્રદર્શન માટે તેમની મેન ઓફ ધ મેચ તરીકે પસંદગી કરવામાં આવી.

Asif Ali you beauty #PakvsAfg pic.twitter.com/ohq4bzGIMu

— Murtaza Ali Shah (@MurtazaViews) October 29, 2021

આસિફ અલીએ 19મી ઓવરમાં 4 છગ્ગા ફટકાર્યા

અફઘાનિસ્તાનના છ વિકેટના નુકસાને 147 સ્કોરનો પીછો કરીને મેદાનમાં ઉતરેલી પાકિસ્તાની ટીમ એક સમયે મુશ્કેલીમાં જોવા મળી હતી. પરંતુ પ્લેયર ઓફ ધ મેચ આસિફ અલીએ 19મી ઓવરમાં ચાર છગ્ગા લગાવી ટીમને એક ઓવર પહેલા જીતાડી હતી. પાકિસ્તાનની ટીમ ગ્રુપ બેમાં ત્રણ વખત જીત પ્રાપ્ત કરતા છ પોઈન્ટ પ્રાપ્ત કરી ટોપ પર છે. અફઘાનિસ્તાન સામે પાકિસ્તાનને છેલ્લી ત્રણ ઓવરમાં જીત પ્રાપ્ત કરવા 26 રનની જરૂર હતી. અહીં 18મી ઓવર નાખવા આવેલા નવીન ઉલ હકે આક્રમક બોલિંગ કરી અને માત્ર બે રન આપી અનુભવી શોએબ મલિકની વિકેટ લીધી.

આસિફ અલીએ ટીમની ચિંતાઓને દૂર કરી

ત્યારબાદ બે ઓવરમાં 24 રનની જરૂર હતી. તે વખતે જો પાકિસ્તાન ટીમે કોઈ વિકેટ ગુમાવી હોત તો ટીમને જીતાડવી ખૂબ મુશ્કેલ હોત. પરંતુ આસિફ અલીએ ટીમની બધી ચિંતાઓને દૂર કરી અને 19મી ઓવર નાખવા આવેલા કરીમ જનાતની ઓવરમાં મેચ સમાપ્ત કરી દીધી છે.