પ્રેમ કથા / IAS-IPSએ વેલેન્ટાઈન્સ ડેના દિવસે ફિલ્મી સ્ટાઈલથી કર્યા લગ્ન

• એક IAS અધિકારીએ વેલેન્ટાઈન્સ ડેના દિવસે IPS ગર્લફ્રેન્ડ સાથે લગ્ન કર્યા
• IAS તુષાર સિંગલા 2015 બેચના બંગાળ કેડરના અધિકારી છે અને હાવડામાં એસડીએમ છે
• IAS અધિકારી તુષાર સિંગલાએ પોતાની જ ઓફિસમાં રજિસ્ટ્રેશન કરાવ્યું

પોતાની જ ઓફિસમાં લગ્ન કર્યા

પ. બંગાળના હાવડા જિલ્લામાં એક IAS અધિકારીએ વેલેન્ટાઈન ડેના દિવસે IPS ગર્લફ્રેન્ડ સાથે લગ્ન કર્યા. IAS તુષાર સિંગલા 2015 બેચના બંગાળ કેટરના અધિકારી છે અને હાવડા માં એસડીએમ છે. તેમણે બિહાર કેડરની IPS અધિકારી નવજોક સિમ્મી સાથે પોતાની જ ઓફિસમાં લગ્ન કર્યા. એક તરફ નવદંપતી જોડાને અભિનંદન મળી રહ્યાં છે. 

દંપતી પુજા પાઠ માટે મંદિર ગયા હતા

તો બીજી તરફ ઓફિસમાં જ લગ્ન કરવાને લીધે તેમના પર સવાલો ઉઠી રહ્યાં છે. ઉલ્લેખનીય છે કે શુક્રવારે તુષારે  પોતાની ઓફિસમાં નોંધણી પ્રક્રિયા પુરી કરી હતી. રજિસ્ટ્રેશન પછી આ દંપતી પુજા પાઠ માટે મંદિર ગયા હતા. 

અધ્યક્ષ અરુપ રૉયએ કહ્યું એમાં કંઈ ખોટું નથી

આ મુદ્દે રાજ્ય મંત્રી અને હાવડા જિલ્લાના અધ્યક્ષ અરુપ રૉયને સવાલ કરવામાં આવ્યો તો તેમણે કહ્યું કે, ‘આમાં કંઈ ખોટું નથી. મેરેજ રજિસ્ટ્રેશન કાયદા પ્રક્રિયા છે. એટલા માટે મને નથી લાગતું કે સરકારી ઓફિસમાં બે લોકોના લગ્ન સામે કોઈ વાંધો હોવો જોઈએ.

બન્નેએ વેડિંગ શૂટ કરાવ્યું

નવજોત સિમ્મી 2018 બેચની IPS અધિકારી છે. બન્ને પંજાબના રહેવાસી છે. લગ્ન દરમિયાન તુષાર સિંગલા સૂટ-બુટમાં નજરે પડ્યાં તો નવજોત સિમ્મી લાલ સાડીમાં તૈયાર થયેલી જોવા મળી હતી. બન્નેએ આ કપડામાં વેડિંગ શૂટ કરાવ્યું.