ઘટના / સાથી અધિકારીએ કર્યો રેપ, એરફોર્સની યુવા મહિલા ઓફિસરનો 'ગંદો ટેસ્ટ' કરાતા ખળભળાટ, જાણો શું બન્યું

• ઈન્ડીયન એરફોર્સની 28 વર્ષીય મહિલા અધિકારીનો આરોપ
• સાથી અધિકારીએ સુતેલી જોઈને રેપ કર્યો
• રેપની પુષ્ટિ કરવા ડોક્ટરોએ ટૂ ફિંગર ટેસ્ટ કર્યો
• ટૂ ફિંગર ટેસ્ટ પર સુપ્રીમનો પ્રતિબંધ છે 

મહિલા અધિકારીનો એવો પણ આરોપ છે કે સાથી દ્વારા રેપ થયા બાદ ડોક્ટરોએ તેનો ટૂ ફિંગર ટેસ્ટ પણ કર્યો છે. ઉલ્લેખનીય છે કે ટૂ ફીંગર ટેસ્ટ એક પ્રકારનો અમાનવીય અને ગંદો ટેસ્ટ છે જેમાં ડોક્ટરો પીડિતાની યોનીમાં આંગળી નાખીને નક્કી કરતા હોય છે કે તેનું યોનીપટલ (હાયમન) છેદાયું છે કે નહીં. 

તમિલનાડુ પોલીસની ફરિયાદ અનુસાર, મહિલા અધિકારીએ તેની ફરિયાદમાં જણાવ્યું કે કોયંબુતર જિલ્લાના એરફોર્સની કોલેજ પરિસરની રુમમાં તેની સાથે તેના એક સાથી અધિકારીએ રેપ કર્યો હતો અને રેપની પુષ્ટિ કરવા માટે ડોક્ટરોએ ટૂ ફિંગર જેવો વિવાદાસ્પદ ટેસ્ટ પણ કરી નાખ્યો હતો. 

જાણો શું છે વિવાદાસ્પદ મામલો
પોલીસ ફરિયાદ અનુસાર, 9 સપ્ટેમ્બરે તાલીમ દરમિયાન મહિલા ઓફિસરનો ડાબો પગ ઘાયલ થયો હતો. તેમ છતાં પણ તેણે રમવાનું ચાલુ રાખ્યું હતું.ત્યાર બાદ આરોપીએ તેને મેસમાં પીણું પીવડાવ્યું હતું જે લીધા પછી તેને ઉલટી થઈ અને તે સુવા માટે ચાલી ગઈ હતી ત્યાર બાદ આરોપી અધિકારી તેની રુમમાં આવ્યો હતો અને તેને સુતેલી જોઈને તેની સાથે રેપ કર્યો હતો. 

પીડિતાએ કહ્યું કે ત્યાર બાદ મેં ફરિયાદ લખાવી અને ડોક્ટરોએ રેપની પુષ્ટિ કરવા માટે મને અંગત સવાલો પૂછ્યા અને ટૂ ફિંગર ટેસ્ટ પણ કર્યો. ઉલ્લેખનીય છે કે ટૂ ફિંગર ટેસ્ટ પર સુપ્રીમ કોર્ટે પ્રતિબંધ ફરમાવી રાખ્યો છે. 

શું છે ટૂ ફિંગર ટેસ્ટ 
 પીડિતાની યોનીમાં બે આંગળી નાખીને રેપ થયો છે કે નહીં નક્કી કરવા માટેની પદ્ધતિને ટૂ ફિંગર ટેસ્ટ કહેવાય છે. ડોક્ટરો રેપની પુષ્ટિ કરવા માટે પીડિતાની યોનીમાં બે આંગળી નાખતા હોય છે અને નક્કી કરતા હોય છે પીડિતા વર્જન છે કે નહીં. આ ટેસ્ટ પર સુપ્રીમે પ્રતિબંધ મૂકી દીધો છે. આ ટેસ્ટ ખૂબ અમાનીવય પણ ગણવામાં આવ્યો છે.