ઓટો / Hyundai ની આ કાર જો તમે ખરીદી છે તો આ ન્યૂઝ ખાસ વાંચી લેજો, નીકળી ખામી

• Hyundaiના આ મોડલમાં જોવા મળી ખામી
• Grand i10 અને Xcent મોડલમાં છે ખામી
• કંપનીઓ CNG મોડલ્સ મંગાવ્યા રિટર્ન

હુન્ડાઈ કંપનીની તરફથી રિકોલ નોટિસમાં કહેવામાં આવ્યું છે કે જે કારમાં ખામી જોવા મળી રહી છે તે નોન-એબીએસ મોડલની ગાડીઓ છે. આ કાર 1 ઓગસ્ટ 2017થી 30 સપ્ટેમ્બર 2019ની વચ્ચે બન્યું છે. આ દરેક કારમાં ફેક્ટ્રી ફિટેડ CNG કિટ આપવામાં આવી છે.

હુન્ડાઈએ પાછી મંગાવી 16409 સીએનજી કાર

મોટાભાગની પાછી મંગાવાયેલી 'પ્રાઇમ મોડેલ' કાર છે, તેથી એક એવો અંદાજ છે કે અસરગ્રસ્ત કાર મોટાભાગની ટેક્સી સેવામાં હશે. કંપનીનું કહેવું છે કે 25 નવેમ્બરથી અસરગ્રસ્ત આ 16,409 કારોને વર્કશોપમાં લાવવામાં આવશે. આ માટે ગ્રાહકો પાસેથી કોઈ શુલ્ક લેવામાં આવશે નહીં.

નજીકના ડીલર કરશે કાર માલિક સાથે સંપર્ક

કંપની ડીલર્સશીપ દ્વારા કાર માલિકોને આ વિશે જાણ કરશે અને કારને વર્કશોપમાં લાવવાની સલાહ આપશે. વર્કશોપમાં તપાસ કરતાં લગભગ એક કલાકનો સમય લાગશે. આ સમય દરમિયાન, જો CNG ફિલ્ટર એસેમ્બલીમાં ખામી હોય તો તેને સુધારવામાં આવશે. નોંધપાત્ર રીતે, હુન્ડાઇએ સીનજી મોડેલ સાથે પ્રથમ એક્સેંટને મર્યાદિત સમય માટે રજૂ કર્યો. જ્યારે Grand i10 હજી સીએનજી સાથે આવે છે. સેકન્ડ જનરેશન એક્સેંટમાં ફેક્ર્ટી ફિટેડ સીએનજી ઓપ્શન આપવામાં આવ્યો નથી.