આજે દેશ ભરમાં કોરોનાને કારણે લોકો ત્રસ્ત છે. લોકોના સ્વાસ્થ્ય, વ્યાવસાય તથા નોકરી પર આફત આવી છે. ત્યારે મહારાષ્ટ્રના નવી મુંબઈ વિસ્તારમાં કોરોનાનો એક ચોંકાવનારી ઘટના સામે આવી છે. આવા સમયે લોકો પોતાના તથા પોતાના પરિવારના સ્વાસ્થ્યની કામના કરે છે. ત્યારે બીજી તરફ નવી મુંબઈમાં એક 28 વર્ષના યુવકે પોતાની પત્નીને એક દિવસ ફોન કરી કહ્યું કે તેને કોરોના થઈ ગયો છે અને તેનું મોત થવાનું છે. આ ફોન બાદ લોકો હચમચી ગયા. પત્નીએ પોતાનો ઘર સંસાર વિખેરાતો જોયો. તેણે તાત્કાલિક પોલીસની મદદ માંગી અને પતિની શોધખોળ ચાલુ કરી. પછી જે થયું તે ચોંકાવનારું હતુ.
યુવકે પત્નીને કહ્યું, મને કોરોના છે, હું નહીં બચુ
પત્ની સામે પતિના લગ્નેત્તર સંબંધનો ભાંડો ભૂટ્યો હતો
યુવક પ્રેમિકા સાથે સમય વિતાવવા માંગતો હતો
24 જુલાઈએ પોલીસે તે વ્યક્તિની બાઈક મેળવી. તપાસ અભિયાન ચલાવીને આસપાસની નજીકની હોસ્પિટલ, કોવિડ ટેસ્ટિંગ સેન્ટરમાં શોધખોળ કરી આ દરમિયાન પોલીસે સાઈબર પોલીસની મદદ કરી તેમને મોબાઈલ લોકેશન મળ્યું. જેમાં તે મધ્ય પ્રદેશના ઈન્દોર શહેરમાં હોવાનું જાણવા મળ્યું હતુ. નવી મુંબઈ પોલીસે તે વ્યક્તિને ઈન્દોરમાંથી શોધી કાઢ્યો અને એ બાદ તેનું નિવેદન લીધુ જે સાંભળી પોલીસના હોશ ઉડી ગયા.
તે વ્યક્તિએ નિવેદનમાં જણાવ્યું કે તે બિમાર નથી તે ઈન્દોર પોતાની પ્રેમિકા સાથે સમય વિતાવવા માંગતો હતો એટલા માટે પત્નીને ખોટું બોલ્યો હતો. આ ઘટના લોકોમાં ચર્ચાનો વિષય બની હતી. એટલું જ નહી પત્ની સામે પતિના લગ્નેત્તર સંબંધનો ભાંડો ભૂટ્યો હતો.