રાજકોટમાં મહિલાના વાળ, કાન અને નાક કાપી નાખવાના મામલે નવો વળાંક સામે આવ્યો છે. આ ઘટનામાં પ્રેમી નહીં પરંતુ પતિ જ આરોપી નિકળ્યો છે. પતિએ પોતાની પત્નીના વાળ, કાન અને નાક કાપ્યુ હોવાનું સામે આવ્યુ છે.
મળતી માહિતી મુજબ આ ઘટના બન્યા બાદ મહિલાને સારવાર માટે હોસ્પિટલમાં ખસેડાઈ હતી. આ મામલે મહિલાએ પૂર્વ પ્રેમી સામે અને કૌટુંબિક જમાઈ સામે ફરિયાદ કરી હતી. આ મામલે પોલીસે મહિલાના પતિની પુછપરછ કરતા સમગ્ર મામલો સામે આવ્યો છે.
પતિનો બચાવ કરવા માટે મહિલાએ ખોટી ફરિયાદ કરી હોવાનું સામે આવ્યુ છે. સમગ્ર હકીકત સામે આવતા પોલીસે આરોપી પતિની અટકાયત કરી હતી.
નાણાં બાબતે બબાલ થતા પ્રેમીનું કૃત્ય હોવાનું ખોટું સાબિત થયું
અગાઉ એવી ફરિયાદ દાખલ કરવામાં આવી હતી કે પ્રેમીએ પ્રેમિકા પર હુમલો કર્યો અને નાક-કાન અને વાળ કાપી નાખ્યા હતા. સાથે પ્રેમીએ પ્રેમિકાને માર મારી અને તેની પાસેથી રૂપિયા 2 લાખ પડાવ્યા હોવાની ફરિયાદ કરી હતી. જોકે હાસ સમગ્ર ભાંડો ફૂટતા પ્રેમી નહીં પરંતુ પતિ જ આરોપી હોવાની સામે આવ્યું છે. પતિએ જ પોતાની પત્નીના વાળ, કાન અને નાક કાપી નાખ્યા હતા.