કેન્દ્ર સરકારનું GSTનું રેવન્યુ કલેક્શન ઓગસ્ટમાં રૂા 1.12 લાખ કરોડે આંબી ગયું છે.જે ગત વર્ષ કરતાં 30 ટકાથી વધુ છે.આમ બે દિ માં મોદી સરકાર માટે ચાર સારા સમાચાર આવ્યાં છે.
નાણાકીય વર્ષ 2021-22માં GDPનો વૃદ્ધિ દર 20.1 ટકા રહ્યો
ખાદ્ય ચીજવસ્તુઓના ભાવમાં ઘટતાં મોંઘવારીમાં રાહત
ગત વર્ષની સરખામણીમાં આ વર્ષે રૂપિયા 25,571 કરોડનું વધુ કલેક્શન
નાણાં મંત્રાલયે પોતાના એક નિવેદનમાં જણાવ્યું હતું કે,ઓગસ્ટ 2021માં કુલ GSTની આવક 1,12,020 કરોડ રૂપિયા છે. જે ચાલુ વર્ષે ઓગસ્ટ 2021માં GSTની આવક ગયા વર્ષના સમાન મહિના કરતાં 30 ટકા વધારે છે.ગત ઓગસ્ટ 2020 માં GSTકલેક્શન 86,449 કરોડ રૂપિયા હતું. મંત્રાલયે વધુમાં ઉમેર્યુ હતું કે,ઓગસ્ટ 2019 માં GSTકલેક્શન 98,202 કરોડ રૂપિયા હતું. આમ ચાલુ વર્ષે ઓગસ્ટમાં કલેક્શન ઓગસ્ટ 2019ની સરખામણીમાં 14 ટકા વધારે હતું, સતત 9 મહિના સુધી 1 લાખ કરોડ રૂપિયાના કલેક્શન પછી, કોવિડની બીજી લહેરને કારણે જૂન 2021માં કલેક્શન 1 લાખ કરોડથી નીચે આવી ગયું. નાણા મંત્રાલયે જણાવ્યું હતું કે આગામી મહિનાઓમાં પણ મજબૂત GSTસંગ્રહ ચાલુ રહે તેવી શક્યતા છે.
નાણાકીય વર્ષ 2021-22માં GDPનો વૃદ્ધિ દર 20.1 ટકા રહ્યો
મંગળવારે, કેન્દ્ર સરકાર માટે પ્રથમ વખત કોરોના સંકટ વચ્ચે GDPમોરચે સારા સમાચાર આવ્યા હતા.મંગળવારે સરકારે જાહેર કરેલા આંકડા મુજબ, પ્રથમ ત્રિમાસિક ગાળામાં (એપ્રિલથી નાણાકીય વર્ષ 2021-22 નું જૂન) કુલ ઘરેલું ઉત્પાદન GDPનો વૃદ્ધિ દર રેકોર્ડ 20.1 ટકા રહ્યો છે.આમ GDPમાં પુનઃ વૃદ્ધિ સાથે અર્થતંત્ર ધીમે ધીમે પુનઃ પાટા પર ફરી રહ્યું છે.તેવા શુભ સંકેતો મળી રહ્યાં છે.
મુખ્ય ક્ષેત્રોના ઉત્પાદનમાં 9.4 ટકાનો વધારો
જુલાઈ માસ દરમિયાન ઉત્પાદન મુખ્ય ક્ષેત્રના આઠ ઉદ્યોગોમાં સારું ઉત્પાદન થયું છે. મંગળવારે સરકારે જાહેર કરેલા આંકડા મુજબ,કોર સેક્ટરના ઉત્પાદનમાં જુલાઈમાં 9.4 ટકાનો વધારો થયો છે.એક વર્ષ પહેલા સમાન મહિનામાં,મૂળભૂત ઉદ્યોગોનું ઉત્પાદન 7.6 ટકા ઘટ્યું હતું. મુખ્ય ક્ષેત્રમાં મૂળભૂત ઉદ્યોગોનું ઉત્પાદન 7.6 ટકા ઘટ્યું છે. મુખ્ય ક્ષેત્રોમાં કોલસો, ક્રૂડ ઓઇલ, કુદરતી ગેસ, રિફાઇનરી ઉત્પાદનો, ખાતર, સ્ટીલ, સિમેન્ટ અને પાવર ક્ષેત્રનો સમાવેશ થાય છે.
ખાદ્ય ચીજવસ્તુઓના ભાવમાં ઘટતાં મોંઘવારીમાં રાહત
દેશભરમાં ઔદ્યોગિક કામદારો માટે છૂટક ફુગાવો જુલાઈ મહિનામાં થોડો ઘટીને 5.27 ટકા થયો છે. શ્રમ મંત્રાલયે મંગળવારે જાહેર કરેલા ડેટામાં પ્રમાણે મોંઘવારીમાં રાહત મળી છે, ખાસ કરીને ખાદ્ય ચીજવસ્તુઓના ભાવમાં ઘટાડાને કારણે. તે જૂન 2021માં 5.57 ટકા અને જુલાઈ 2020માં 5.33 ટકા હતો.