અનોખું / ટ્રાફિક ચલાનને લઈને આ શહેરોમાં જોરદાર સ્કીમ, પોલીસના અનોખા એલાનની દેશભરમાં ચર્ચા

• ટ્રાફિક ચલાન પર બંપર છૂટ 
• કુલ રાશિ પર 75% સુધીની છૂટ 
• માર્ચમાં લાગશે આ ડિસ્કાઉન્ટ 

હૈદ્રાબાદ, સાયબરાબાદ તથા રચકોંડાના ટ્રાફિક પોલીસે ગ્રેટર હૈદ્રાબાદ મ્યુનીસીપલ કોર્પોરેશનના રજીસ્ટ્રેશન નંબરવાળા વાહનોના ટ્રાફિક ચલાનમાં ડિસ્કાઉન્ટ આપવાનું એલાન કર્યું છે. એક રિપોર્ટમાં આ જાણકારી સામે આવી છે. નવી ઘોષણા 600 કરોડ રૂપિયાના ચલાનની ઓળખાણ બાદ કરવામાં આવી છે. હૈદરાબાદ ટ્રાફિક પોલીસ દ્વારા જાણકારી અનુસાર, માનવતાના આધાર પર આ નિર્ણય લેવામાં આવ્યો છે, આમાં કોવિડ-19 દરમિયાન આર્થિક તંગીને કારણે વાહનચાલકોને આ રાહત આપવામાં આવી છે. 

ટૂ વ્હીલર વાહનોને 75% ડિસ્કાઉન્ટ 
આ ડિસ્કાઉન્ટ સ્કીમ હેઠળ ટૂ વ્હીલર વાહનોને કુલ ચલાનના માત્ર 25 ટકા રાશિ જ ચૂકવવી પડશે, જ્યારે હલકા મોટર વાહન, કાર, એસયૂવી  તથા ભારે વાહનચાલકોને ચલાનના માત્ર 50 ટકા અમાઉન્ટ આપવું પડશે. આરટીસી એટલે કે રોડ ટ્રાન્સપોર્ટ કોર્પોરેશનના બસ ચાલકોને ચલાનના 30 ટકા રાશિ ચૂકવવી પડશે. તેલંગાના પોલીસ અનુસાર, આ ડિસ્કાઉન્ટનો ફાયદો ઉથાવવા માટે બધા ચાલકોએ માત્ર ઓનલાઈન પેમેંટ કરવું પડશે. 

વન-ટાઈમ ડિસ્કાઉન્ટ
ટ્રાફિક પોલીસે આ ડિસ્કાઉન્ટ ટ્રાફિક ડિફોલ્ટર્સ માટે લાગુ કરાવ્યું છે જે સમય રહેતા ચલાન ભરી શક્યા નથી. ચાલકો પર લગાવેલ ચલાન માટે આ વન ટાઈમ ડિસ્કાઉન્ટ આપવામાં આવી રહ્યું છે. ટ્રાફિક પોલીસ આ ખાસ મોકો 1 માર્ચથી 31 માર્ચ વચ્ચે ચાલકોને આપવાની છે. ટ્રાફિક પોલીસ વિભાગે એ ખાસ લોકોને માર્ચ મહિનામાં ચલાન ભરવાની અપીલ કરી છે જેમણે પોતાના ચલાનની રાશિ અત્યાર સુધી ચૂકવી નથી.