શહેરમાં ચાલુ ચોમાસામાં વરસાદ અને વરસાદી પાણીમાં પલળવાથી કાર પર લાગેલી એચએસઆરપી (નંબર પ્લેટ) પલળવાના કારણે ઓટોમેટિક નીકળી જતી હોવાની અનેક ફરિયાદો ઉઠતા આ઼ડેધડ રીતે નંબર પ્લેટ લગાવવાની કામગીરીની પોલ ખુલ્લી પડી છે.
નંબર પ્લેટના રિવેટની કવોલિટી તકલાદી હોવાના કારણે આ સમસ્યા સર્જાઇ છે. વરસાદમાં કાર લઇને બહાર નીકળતા વાહનચાલકોએ હવે એ પણ ધ્યાન પણ રાખવું પડશે કે તેની નંબર પ્લેટ ગાડી પર સલામત છે કે નહીં. આરટીઓ દ્વારા એચએસઆરપી લગાવવાનો કોન્ટ્રાક્ટ ખાનગી કંપનીને અપાયો છે. આરટીઓમાં હાઇ િસક્યોિરટીવાળી એચએસઆરપી લગાવવાની સિસ્ટમમાં ખામી હોવાના કારણે ખાસ કરીને કારચાલકો પરેશાન થઈ રહ્યા છે.
ત્રણ દિવસ પહેલાં અમદાવાદમાં પડેલા મુશળધાર વરસાદના કારણે ઠેરઠેર ત્રણ-ચાર ફૂટ જેટલાં પાણી ભરાયાં હતાં. પાણી તો સમયસર ઓસરી ગયાં છે, પરંતુ કેટલાક કારચાલકોને નુકસાન વેઠવાનો દિવસ આવ્યો છે. વરસાદી પાણીમાં ફસાયેલી કારમાંથી એચએસઆરપી ઓટોમેિટક નીકળી જાય છે.
એચએસઆરપી કારમાં ફાઇબરના બમ્પર પર ફિટ કરવામાં આવે છે. નંબર પ્લેટમાં મશીન દ્વારા રીવેટ (બોલ્ટની જેમ) ફિટ કરવામાં આવે છે, જ્યારે કોઇ પણ કાર ત્રણ-ચાર ફૂટ વરસાદના પાણીમાંથી પસાર થાય છે ત્યારે પાણીનું એચએસઆરપી અને બમ્પર સાથે ઘર્ષણ થાય છે, જેના કારણે રીવેટ નીકળી જતાં નંબર પ્લેટ સરકી પડે છે. વાહનચાલકોને કારમાંથી નંબર પ્લેટ સરકી પડી છે તેનો ખ્યાલ પણ હોતો નથી, જ્યારે તે ઘરે પહોચે અથવા તો કોઇ પણ અન્ય જગ્યાએ પહોંચે ત્યારે તેને માલૂમ પડે છે કે નંબર પ્લેટ ગાયબ છે.
પાલડી વિસ્તારમાં રહેતી નિરુ રાઠોડ નામની યુવતીએ તેની કારના બમ્પર પરથી નંબર પ્લેટ ગાયબ જોઇ તો કોઇએ ચોરી કરી હોય તેવું પ્રાથિમક રીતે લાગ્યું હતું. ગઇ કાલે જ્યારે તે નંબર પ્લેટ લગાવવા માટે એજન્ટ પાસે ગઇ ત્યારે એજન્ટે તેને જણાવ્યું હતું કે વરસાદી પાણીમાં કાર પલળી હોવાના કારણે નંબર પ્લેટ નીકળી ગઇ છે. એજન્ટના જણાવ્યા અનુસાર વરસાદ બાદ રોજ વીસ કરતાં વધુ કારચાલકો પોતાની નંબર પ્લેટ ફરીથી નખાવવા માટે આવી રહ્યા છે.
ઘણીવાર નંબર પ્લેટ પડી જવાની જાણ ન થતા ટ્રાફિકના ભંગ બદલ દંડ ભરવો પડે છે. આ સિવાય એજન્ટ પણ નંબર પ્લેટ ફિટ કરવાના એક હજારથી બારસો રૂપિયા વસૂલી રહ્યા છે અને ૧પ દિવસમાં નંબર પ્લેટ આવશે તેવું કહી રહ્યા છે. જ્યારે આરટીઓમાં નંબર પ્લેટ લગાવવાના ૪૦૦ રૂપિયા છે.
રોજ એક એજન્ટ પાસે પંદરથી વીસ કારમાં નંબર પ્લેટ નીકળી ગઇ હોવાનાં કામ આવી રહ્યાં છે. વાહનચાલક માને છે કે તેની નંબર પ્લેટ ચોરાઇ ગઇ છે, પરંતુ વરસાદી વિઘ્નના કારણે નંબર પ્લેટ પડી જાય તેવું ખુદ આરટીઓ તંત્ર માની રહ્યું છે. ઉલ્લેખનીય છે કે એચએસઆરપીમાં પણ અનેક ખામી જોવા મળી છે.
નંબર પ્લેટમાં નંબર પરનો બ્લેક કલર પણ તડકાના કારણે ઊડી જાય છે. આ મામલે એસ.પી. એચએસઆરપી સોલ્યુશન પ્રાઇવેટ લિમિટેડ કંપનીમાં નોકરી કરતા અને અમદાવાદ આરટીઓમાં નંબર પ્લેટ લગાવવાના ડિપાર્ટમેન્ટના સુપરવાઇઝર દિનેશભાઇ તુરિખયાએ જણાવ્યું છે કે બમ્પર પર નંબર પ્લેટ લગાવેલી હોવાના કારણે પાણીના ફોર્સથી રીવેટ નીકળી જતા નંબર પ્લેટ પડી જાય છે.
આ અંગે એઆરટીઓ એસ.એમ. મોજણીદારે જણાવ્યું હતું કે આવી કોઇ બાબતની મને જાણકારી નથી, જો ફિરયાદ મળશે તો તે બાબતે ઉચ્ચ સ્તરે રજૂઆત કરીશું. રાજ્યના ઇન્ચાર્જ ટ્રાન્સપોર્ટ કમિશનર સોનલ મિશ્રાએ જણાવ્યું હતું કે નંબર પ્લેટ નીકળી જવાના મામલે તપાસ કરવામાં આવશે.