ગુડ ન્યૂઝ / PF ખાતાધારકો માટે આવ્યા સારા સમાચાર, આ ખાસ ઓનલાઈન પ્રોસેસથી ઘરે બેઠા કરી શકશો બેંક ડિટેલ્સને અપડેટ

• PF ખાતાધારકો માટે આવ્યા સારા સમાચાર
• ઘરે બેઠા કરી શકશો બેંક ડિટેલ્સને અપડેટ
• જાણી લો શું છે સરળ ઓનલાઈન પ્રોસેસ

કર્મચારી ભવિષ્ય નિધિ (EPFO)પોતાના ખાતાધારકોને માટે ઘરે બેઠા બેંક ડિટેલને અપડેટ કરવાની સુવિધા આપે છે. એવામાં તમે તમારા બેંક ખાતાને સરળતાથી પીએફ ખાતા સાથે અપડેટ કરાવી શકો છો.  બેંક ખાતાની જાણકારી અપડેટ નહીં હોવાના કારણે તમે પીએફ એકાઉન્ટથી રૂપિયા કાઢી શકશો નહીં. અનેક વાર એવું બને છે કે સબ્સક્રાઈબર્સ પીએફ ખાતાથી લિંક બેંક એકાઉન્ટને બંધ કરાવી દેતા હોય છે અને નવું બેંક ખાતું પીએફ એકાઉન્ટ સાથે લિંક કરાવવાનું ભૂલી જાય છે.  જો તમે તમારા UANની સાથે ખોટી બેંક ખાતા ડિટેલ્સને લિંક કરી છે તો હવે તમારે હેરાન થવાની જરૂર નથી. તમે ઘરે બેઠા જ ઓનલાઈન પ્રોસેથી તમારા બેંક એકાઉન્ટની ડિટેલ્સને સરળતાથી જાતે અપડેટ કરી શકો છો.  

Know the simple steps through which #employees can easily update their Bank Account Details in #UAN.
#EPFO #SocialSecurity #Services #पीएफ #ईपीएफ pic.twitter.com/Gg7oikmf1J

— EPFO (@socialepfo) July 14, 2021

આ રીતે કરી લો બેંક એકાઉન્ટ ડિટેલ્સને અપડેટ 

• સૌ પહેલા EPFO ના યૂનિફાઈડ મેમ્બર પોર્ટલ   https://unifiedportal-mem.epfindia.gov.in/memberinterface/ પર જાઓ. 
• અહીં UAN અને પાસવર્ડ નાંખીને લોગઈન કરો. 
• હવે ટોપ મેન્યૂમાં મેસેજ ઓપ્શન પર જાઓ અને અહીં ડ્રોપ ડાઉન મેન્યૂમાં   'KYC'ને પસંદ કરો. 
• હવે બેંકને પસંદ કરો અને બેંક એકાઉન્ટ નંબર, નામ અને આઈએફએસસી કોડ લખીને  'Save' પર ક્લિક કરો. 
• આ જાણકારીને એમ્પલોયર દ્વારા અપ્રૂવ કરાયા બાદ તમારી અપડેટ બેંક ડિટેલ્સને અપ્રૂવ્ડ કેવાયસી સેક્શનમાં બતાવવામાં આવશે. 
• આ પછી તમે તમારા દસ્તાવેજનું પ્રમાણ જમા કરાવો તે જરૂરી છે.  

આ રીતે કરી લો તમારું PF બેલેન્સ પણ ચેક

• ઈપીએફઓના સભ્ય www.epfindia.gov.in પર જાઓ. 
• હવે અહીં 'Our Services' ટેબમાંથી 'For Employees' ઓપ્શન પર ક્લિક કરો.
• સભ્ય  'Services' ટેબમાંથી 'Member Passbook' પર ક્લિક કરો.
• આ પછી તમે લોગ ઈન કરવા માટે તમારા   UAN અને પાસવર્ડને નોંધી લો અને તમારા પીએફ એકાઉન્ટની પાસબુક જુઓ.  
• તમને તમારું બેલેન્સ જાણવા મળી જશે.