તમારા કામનું / ઘરે બેઠા બેન્કમાં ટ્રાન્સફર થઈ જશે PFના પૈસા, અહીં જાણો સંપૂર્ણ પ્રોસેસ

• ઘરે બેઠા મિનિટોમાં કરો પૈસા ટ્રાન્સફર 
• EPFOએ ટ્વીટ કરી આપી જાણકારી 
• પીએફના પૈસા ટ્રાન્સફર કરવા કરો આટલું 

જો તમે પણ નોકરી બદલી છે અથવા તમારા પીએફના પૈસાને ક્યાંક બીજે ટ્રાન્સફર કરવા માંગો છો તો આ ખૂબ જ સરળ કામ છે. તમે હવે ઘરે બેઠા મિનિટોમાં પોતાના પૈસા એક જગ્યા પરથી બીજી જગ્યા પર ટ્રાન્સફર કરી શકો છો. જણાવી દઈએ કે EPF એકાઉન્ટને મેનેજ કરવાનું કામ  EPFO દ્વારા કરવામાં આવે છે. 

જો તમે પીએફના પૈસા ટ્રાન્સફર કરવા માંગો છો તો સૌથી પહેલા ખાતાધારકની પાસે UNA એક્ટિવેટ કરાવવાનું રહેશે. આ ઉપરાંત ખાતાધારકના બેન્ક ખાતાનો નંબર, આધર નંબર અને બાકીની બધી ડિટેલ સાચી અને ઉચિત હોવી જોઈએ. 

EPFOની તરફથી દરેક કર્મચારીઓને 12 ડિજિટનો એક નંબર આપવામાં આવે છે જેને UAN કહેવામાં આવે છે. જેને એક્ટિવેટ કરી તમારા એકાઉન્ટ પર ઓનલાઈન નજર રાખી શકાય છે.  જણાવી દઈએ કે UAN  આઈડી તેમાં મેમ્બર્સ માટે એક umbrellaની જેમ કામ કરે છે. 

EPFOએ કર્યુ ટ્વીટ 
EPFOએ ટ્વીટ કરીને જણાવ્યું કે તમે કોઈ પણ પીએફના પૈસા ઓનલાઈન ટ્રાન્સફર કરી શકો છો. ટ્વીટમાં એક તસ્વીર શેર કરવામાં આવી છે જેમાં તમને પૈસા ટ્રાન્સફર કરવાની દરેક પ્રોસેસ જણાવવામાં આવી છે. 

Know how to transfer EPF online

जानिए कैसे करें ईपीएफ ऑनलाइन ट्रांसफर#EPFO #SocialSecurity #HumHainNa pic.twitter.com/mlp9XwVyqS

— EPFO (@socialepfo) April 28, 2021

ઓનલાઈન આ રીતે કરો ટ્રાન્સફર 

• સૌથી પહેલા તમારે Unified Member Portal પર વિઝિટ કરવાનું રહેશે. પછી UANની સાથે તેને લોગ ઈન કરો. 
• ઓનલાઈન સર્વિસ માટે One Member One EPF પર ક્લિક કરવાનું રહેશે. 
• હવે તમારે હાલની કંપની સાથે જોડાયેલી જાણકારી અને પીએફ એકાઉન્ટને વેરિફાઈ કરવાનું રહેશે. 
• ત્યાર બાદ Get Details ઓપ્શન પર ક્લિક કરો. તમને છેલ્લી જોબની PF એકાઉન્ટ ડિટેલ્સ જોવા મળશે. 
• છેલ્લી કંપની અને હાલની કંપનીમાંથી કોઈ એક સીલેક્ટ કરવાની રહેશે. બન્નેમાંથી કોઈ એક કંપનીને સિલેક્ટ કર્યા બાદ મેમ્બર આઈડી અથવા UAN આપો. 
• સૌથી છેલ્લે Get OTP ઓપ્શન પર ક્લિક કરો. જેનાથી તમારી પાસે UANમાં રજીસ્ટર્ડ મોબાઈલ નંબર પર OTP આવી જશે ત્યાર બાદ તે OTPને નાખીને સબમિટ ઓપ્શન પર ક્લિક કરો. 
• તમારા EPF એકાઉન્ટનું ઓનલાઈન ટ્રાન્સફર પ્રોસેસ પુરૂ થઈ ગયું છે.