Diwali 2021 / આજે ઘરના મુખ્ય દ્વાર પર દિવો કરીને યમરાજને પ્રાર્થના કરો, જાણો શુભ મૂર્હુત અને પૂજા વિધિ

• આજે કાળી ચૌદશની પૂજાનું મહત્વ
• નરક ચતુર્દશી પણ આજે ઉજવવામાં આવે છે
• મુખ્ય દરવાજાની જમણી બાજુએ દિવો કરવો

હિન્દુ કેલેન્ડર પ્રમાણે કાર્તિક માસના કૃષ્ણ પક્ષની ચતુર્દશી તિથિને કાળી ચૌદશ એટલે કે નરક ચતુર્દશી તરીકે ઉજવવામાં આવે છે. નરક શબ્દ પૌરાણિક કથાઓમાં વર્ણિત દૈત્ય રાજા નરકાસુર સંબંધિત છે અને ચતુર્દશીનો અર્થ ચૌદમો દિવસ છે. 

લાંબી આયુ માટે પ્રગટાવો એક દિવો
નરક ચતુર્દશીના દિવસે મુખ્ય દિવો લાંબી આયુ અને સારા સ્વાસ્થ્ય માટે પ્રગટાવવામાં આવે છે. તેને યમદેવતા માટે દિપદાન કહેવામાં આવે છે. ઘરના મુખ્ય દ્વારની જમણી બાજુ અનાજનો ઢગલો કરો, તેના પર સરસવના તેલનો એક દિવો કરો. દિવાનું મુખ દક્ષિણ દિશા તરફ રાખો અને ત્યાં પુષ્પ ચડાવીને લાંબી આયુ માટે પ્રાર્થના કરો. 

અભ્યંગ સ્નાન મૂર્હુત 
સવારે 6 વાગ્યાથી પહેલા

ચોઘડિયા મૂર્હુત

1. સવારે 06:34 થી 07:57 સુધી - લાભ
2. સવારે 07:57 થી 09:19 સુધી - અમૃત
3. સવારે 10:42 થી 12:04 વાગ્યા સુધી - શુભ
4. 02:49 pm થી 04:12 pm- ચલ
5. સાંજે 04:12 થી 05:34 સુધી - લાભ

મા કાલિકાની પૂજા 
કાળી ચૌદસના દિવસે માતા કાળકાની પૂજાનું પણ વિશેષ મહત્વ છે. આ દિવસે કાલિકા માતાની પૂજા કરવાથી કષ્ટ દૂર થાય છે.