રેસિપી / શ્રાવણમાં સાદુ દહીં ખાઈને કંટાળ્યા છો તો માણો આ બંગાળી દહીંની મજા, ઘરે જ બનાવો સરળ રીતે

સામગ્રી

• 1 લિટર દૂધ
• 10 મોટી ચમચી ખાંડ
• એક કપ પાણી
• એક કપ તાજું દહીં

રીત

સૌ પહેલાં એક પેનમાં મીડિયમ ગેસ રાખીને દૂધ ગરમ કરવા મૂકો, હવે દૂધને ત્યાં સુધી ઉકાળો જ્યાં સુધી તે અડધું થઈ જાય. આ સમયે અન્ય એક પેનમાં ખાંડ અને પાણી મિક્સ કરીને ચાસણી તૈયાર કરો. ચાસણીનો રંગ બદલાય ત્યાં સુધી તેને હલાવતા રહો. હવે ગેસ બંધ કરો અને તેમામં થોડું પાણી નાંખીને તેને ફરીથી હલાવી લો. બીજી તરફ તમારું દૂધ અડધું થવાની તૈયારીમાં હશે. હવે તેમાં આ ચાસણી મિક્સ કરો અને સારી રીતે હલાવો. તેને ઠંડું થવા દો. હવે તેમાં તાજું દહીં મિક્સ કરી લો. તેને બરોબર મિક્સ કરી લો. હવે એક નાની માટલીમાં આ દૂધ ઠંડું થવા રાખો. તેને 6-7 કલાક ફ્રિઝમાં રાખો. તમારું મિષ્ટી દહીં તૈયાર થઈ જશે. નાના મોટા સૌ તેને ખાઈને મજા માણશે. વ્રતમાં આ દહીં પેટમાં ભાર પાડશે અને સાથે હેલ્થ પણ સારી રહેશે.