ગુજરાતી રેસિપી / ગુજરાતીઓની ફેવરિટ ફાડા લાપસી આ રેસિપીથી ફટાફાટ કૂકરમાં બનાવો, સ્વાદ દાઢમાં રહી જશે

સામગ્રી

1 વાટકી ઘઉંના ફાડા
3.5 વાટકી પાણી
5 ચમચી ઘી
અડધી વાટકી ગોળ
3 ચમચી ખાંડ
4 ચમચી ડેસિકેટેડ કોકોનટ પાઉડર
2 તજના નાના ટુકડા
4 લવિંગ
થોડી કિસમિસ, કાજુ, બદામ અને પિસ્તા કતરેલાં

રીત

સૌથી પહેલાં કૂકરમાં 5 ચમચી ઘી નાખીને ગરમ કરો અને એક બાજુ તપેલીમાં સાડા 3 વાટકી પાણી ગરમ કરવા મૂકો. હવે ઘી ગરમ થઈ જાય એટલે તેમાં ફાડા નાખીને શેકી લો. કલર બ્રાઉન થાય ત્યાં સુધી શેકો અને તેમાં તજ અને લવિંગ ઉમેરી દો. પછી કિસમિસ પણ ઉમેરી દો. હવે તેમાં જે પાણી ગરમ કરવા મૂક્યું હતું તે ફાડામાં એડ કરી દેવું. હલાવતા રહેવું. પછી કૂકરનું ઢાંકણ બંધ કરી 5 સિટી વગાડી દો. પછી ગેસ બંધ કરી કૂકર ઠંડુ થાય એટલે તેને હલાવી લો. પછી ગેસ ચાલુ કરી હવે તેમાં કતરેલો ગોળ, ખાંડ નાખીને હલાવી લો. ગોળ ખાંડ સાથે નાખશો તો ટેસ્ટ બહુ જ સારો લાગશે. પછી તેમાં 4 ચમચી કોકોનટ પાઉડર ઉમેરી દો અને અડઘી ચમચી એલચી અને જાયફળનો પાઉડર નાખીને બરાબર મિક્સ કરી દો અને થિક થવા લાગે એટલે તેમાં ડ્રાયફ્રૂટ્સ નાખી દો. ફાડા સતત હલાવતા રહેવા અને થિક થાય ત્યાં સુધી સ્લો ગેસ ઉપર થવા દેવું. બસ તૈયાર છે ટ્રેડિશનલ અને સ્વાદિષ્ટ ફાડા લાપસી.