દિવાળી અને ધનતેરસના અવસર પર સોનાની ખરીદી કરવી શુભ માનવામાં આવે છે.
સોનાની ખરીદી પહેલા ધ્યાન રાખજો આ વાતો
સોનું અસલી છે કે નકલી આ રીતે કરો ચેક
સસ્તુ સોનું ખરીદવાના ચક્કરમાં ન કરતા ભૂલો
દિવાળી અને ધનતેરસના દિવસે લોકો કોઈને કોઈ ખરીદી કરતા હોય છે. આ દિવસે ખરીદી કરવી શુભ માનવામાં આવે છે. પરંતુ ઘણા ઠગભગતો આવા જ અવસરોની રાહ જોઈને બેઠા હોય છે. લોકો સસ્તુ સોનું ખરીદવાના ચક્કરમાં આવા ઠગભગતોનો શિકાર બને છે. જો તમે પણ સોનું ખરીદવાનો પ્લાન કરી રહ્યા છો તો અસલી અને નકલી વચ્ચેનો ભેગ આ સરળ રીતે ઓળખી લો.
હોલમાર્ક જરૂર જોવું જોઈએ
સોનું ખરીદતા પહેલા તેના પર હોલમાર્ક જરૂર જોઈ લેવો જોઈએ. હોલમાર્ક સર્ટિફિકેશનનો મતલબ છે કે સોનું અસલી છે. આ સર્ટિફિકેશન બ્યુરો ઓફ ઈન્ડિયન સ્ટેન્ડર્ડની તરફથી આપવામાં આવે છે. ફેમસ-બ્રાન્ડ્સમાં તો તમને દરેક ઘરેણા હોલમાર્ક સાથે જ મળશે. પરંતુ સ્થાનીક જ્વેલર્સ ઘણી વખત વગર હોલમાર્કે ઘરેણા વેચતા હોય છે. જેને અસલી કે નકલી હોવાની ઓળખ તમારે જાતે કરવી પડશે.
ચુંબકથી ટેસ્ટ કરો સોનું
ધ્યાન રાખો કે સોનામાં ચુંબકીય ગુણ નથી હોતા એટલેકે તે ચુંબકની તરફ આકર્ષિત નથી થતા. જો ઘરેણું ચુંબકની તરફ આકર્ષિત થવા લાગે તો તે તે નકલી છે. અને જો ઘરેણાં પર ચુંબકની કોઈ અસર ન થાય તો તે ટેસ્ટિંગના પહેલા સ્ટેપમાં પાસ થઈ ગયું. સોના પર ક્યારેય કાટ નથી લાગતો. જો સોના પર કાટ લાગે તો સમજી લો કે તે નકલી છે અને આવું નકલી સોનું ચુંબકની તરફ ખેંચાશે.
ફ્લોટિંગ ટેસ્ટ
સોનાની એક ખાસ વાત એ છે કે આ હાર્ડ મેટલ છે. માટે તેનું ફ્લોટિંગ એટલે કે તરલ ટેસ્ટ કરી શકાય છે. એક ડોલમાં થોડુ પાણી લો અને પછી પોતાના સોનાના ઘરેણા તે પાણીમાં નાખો. જો ઘરેણાં ડૂબવા લાગે તો સમજી લો કે દુકાનદારે તમને નકલી ઘરેણા પધરાવ્યા છે.
એસિડ ટેસ્ટ
અસલી સોના પર નાઈટ્રિક એસિડની કોઈ અસર નથી થતી. જો તે કોપર, ઝીંક, સ્ટરલિંગ સિલ્વર અથવા કંઈક અલગ છે તો તેના પર નાઈટ્રિક એસિડની કોઈ અસર નહીં જોવા મળે. ટેસ્ટ કરવા માટે ઘરેણાંને થોડું સ્ક્રેચ કરો અને તેના પર નાઈટ્રિક એસિડ નાખો. જો તે સોનું છે તો તેના પર કોઈ અસર નહીં થાય. જોકે આ ટેસ્ટ કરતી વખતે સંપૂર્ણ સાવધાની રાખો. નહીં તો એસિડથી તમને નુકસાન થઈ શકે છે.
વિનેગર ટેસ્ટ
લગભગ દરેક કિચનમાં વિનેગર સરળતાથી ઉપલબ્ધ હોય છે. જો તમે પોતાના સોનાના ઘરેણા પર વિનેગરના અમુક ટિંપા નાખતો તો અસલી ઘરેણાં પર કોઈ અસર નહીં થાય. જો તે નકલી સોનું હશે તો વિનેગરના ટીંપા જ્યાં પણ પડશે ઘરેણાંનો રંગ બદલાઈ જશે. તો જો તમે પણ સસ્તામાં સોનું ખરીદવાનું વિચારી રહ્યા છો તો આ 5 રીતોનું ધ્યાન રાખો અને અસલી સોનું જાતે જ ટેસ્ટ કરી લો.