સુવિધા / હવે ઘરે બેઠા સુકન્યા સમૃદ્ધિ એકાઉન્ટમાં ટ્રાન્સફર કરો પૈસા, સરળ છે પ્રોસેસ અને થશે આ મોટો ફાયદો

• દીકરી માટે કેન્દ્ર સરકાર દ્વારા સંચાલિત સુકન્યા સમૃદ્ધિ યોજના ખૂબ જ પ્રખ્યાત છે
• દીકરીના લગ્ન અને અભ્યાસ માટે ટેન્શન મુક્ત રહેવું હોય, તો તમે આ સરકારી યોજનામાં ખાતું ખોલાવી લો
• હવે ઓનલાઈન ખાતામાં પૈસા ટ્રાન્સફર કરી શકાય છે

કોણ મેળવી શકે યોજનાનો લાભ?

આ યોજનાના લાભ બાળકીના માતા-પિતા લઇ શકે છે, બાળકી અનાથ હોય તો કાનૂની વાલી ખાતું ખોલાવી શકે છે. આ યોજનાનો લાભ લેવા માટે બાળકીના જન્મ બાદ દસ વર્ષની અંદર માતા-પિતા બેંક અથવા પોસ્ટ ઓફિસમાં ખાતું ખોલાવી શકે છે. 

પોસ્ટ પેમેન્ટ બેંક દ્વારા પૈસા જમા કરી શકો છો

તમે પોસ્ટ પેમેન્ટ બેંક એકાઉન્ટમાંથી આ એકાઉન્ટમાં પૈસા ટ્રાન્સફર કરી શકો છો. તમને જણાવી દઈએ કે સુકન્યા સમૃદ્ધિ યોજના હેઠળ અરજદારો તેમની દીકરીના નામે કોઈપણ બેંક અથવા પોસ્ટ ઓફિસમાં ખાતું ખોલી શકે છે.

કેટલું વ્યાજ મળે છે

વ્યાજની વાત કરીએ તો અત્યારે આ ખાતામાં 7.7 ટકાના દરે વ્યાજ મળી રહ્યું છે. તેની મેચ્યોરિટી અવધિ 21 વર્ષ છે અને રોકાણનો સમયગાળો 15 વર્ષ છે.

કેટલું રોકાણ કરવું પડશે

આ યોજનામાં તમારે નાણાકીય વર્ષમાં ઓછામાં ઓછું 250 રૂપિયા રોકાણ કરવું જરૂરી છે. આ સિવાય તમે વધુમાં વધુ 1.50 લાખ રૂપિયા સુધીનું રોકાણ કરી શકો છો.

આઈપીપીબી એપ્લિકેશન દ્વારા સુકન્યા સમૃદ્ધિ ખાતામાં પૈસા જમા કરાવો

• આ માટે તમારે તમારું બચત ખાતું આઈપીપીબી ખાતા સાથે જોડવું પડશે.
• હવે તમારે ડીઓપી પ્રોડક્ટ પર જવું પડશે.
• અહીં સુકન્યા સમૃદ્ધિ યોજના ખાતું પસંદ કરવું પડશે.
•  હવે તમારે એસએસવાય એકાઉન્ટ નંબર અને ડીઓપી ગ્રાહક આઈડી એન્ટર કરવી પડશે.
• હવે તમારા હપ્તા અવધિ અને રકમ પસંદ કરો.
• ચુકવણી સફળ થયા પછી તમને આઈપીપીબી નોટિફિકેશન દ્વારા માહિતી મળી જશે.

આ બધાં દસ્તાવેજો આપવા પડશે

સુકન્યા સમૃદ્ધિ યોજના હેઠળ ખાતું ખોલવા માટે, તમારે ફોર્મ સાથે પોસ્ટ ઓફિસ અથવા બેંકમાં તમારી દીકરીના જન્મનું પ્રમાણપત્ર પણ સબમિટ કરવું પડશે. આ ઉપરાંત બાળક અને માતા-પિતાનું ઓળખકાર્ડ (પાનકાર્ડ, રાશનકાર્ડ, ડ્રાઇવિંગ લાઇસન્સ, પાસપોર્ટ) અને તેઓ ક્યાં રહે છે તેનું પ્રમાણપત્ર (પાસપોર્ટ, રાશનકાર્ડ, વીજળી બિલ, ટેલિફોન બિલ, પાણીનું બિલ) જમા કરાવવાનું રહેશે.