આધાર કાર્ડ એક જરૂરી દસ્તાવેજ છે, અનેક એવા કામ છે જેને કરવા માટે આધાર કાર્ડ સાથે હોવું જરૂરી છે. જેથી આજે અમે તમને એડ્રેસ પ્રૂફ વિના આધારમાં કઈ રીતે એડ્રેસ ચેન્જ કરવું, તે જણાવીશું.
આધાર ધારકો માટે કામના સમાચાર
આ રીતે ચેન્જ કરો એડ્રેસ
એડ્રેસ પ્રૂફની નહીં પડે જરૂર
આધારકાર્ડ એક ખૂબ જ મહત્વપૂર્ણ દસ્તાવેજ બની ગયું છે. સરકારી કામ હોય કે ખાનગી કામ દરેક જગ્યાએ ઓળખ અને એડ્રેસ પ્રૂફ માટે આધારકાર્ડ બતાવવું જરૂરી છે. આજકાલ બેંકનું કામ હોય કે કોઈ સરકારી યોજનાનો લાભ લેવો હોય તો આધારકાર્ડ જરૂરી છે, નહીં તો તમને મુશ્કેલીઓ આવી શકે છે. ત્યારે આધારમાં એડ્રેસને ઘરે બેઠા સરળતાથી ચેન્જ કરી શકો છો. ઘણાં લોકો ઘર તો બદલી લે છે પરંતુ નવું એડ્રેસ પ્રૂફ ન હોવાથી આધારમાં નવું એડ્રેસ ચેન્જ કરાવવામાં મુશ્કેલી થાય છે.
આ રીતે એડ્રેસ પ્રૂફ વિના અપડેટ કરો આધાર કાર્ડ
સૌથી પહેલા https://uidai.gov.in/ પર જવું.
હોમપેજ પર સૌથી પહેલા MY Aadhar વિકલ્પ દેખાશે તેના પર ક્લિક કરો.
હવે તમારે Update Your Aadhaar સેક્શન પર જવું પડશે, જ્યાં તમને એક કોલમ દેખાશે Update your Demographics Data Online તેના પર ક્લિક કરો.
અહીં તમને બે ઓપ્શન દેખાશે. જેમાં પહેલો ઓપ્શન જેની પાસે એડ્રેસ પ્રૂફ છે એ લોકો માટે હશે અને બીજો જેમની પાસે એડ્રેસ પ્રૂફ નથી, તો બીજો ઓપ્શન સિલેક્ટ કરવો.
અહીં ધ્યાન રાખવું, એડ્રેસ અપડેટ કરવા માટે એડ્રેસ વેલિડેશન લેટર જોઈશે, જેને ઓનલાઈન અપડેટ કરવો પડશે. આ એડ્રેસ વેરિફાયરની મદદથી આવશે. આવા કેસમાં આધાર ત્યારે જ અપડેટ કરી શકાય છે જ્યારે-
તમારો અને એડ્રેસ વેરિફાયરનો આધાર બંનેના મોબાઈલ નંબરથી લિંક્ડ હોય
તમારો એડ્રેસ વેરિફાયર પહેલાંથી જ એડ્રેસ બેસમાં અપડેટ હોય
અહીં આ સ્ટેપ્સ ફોલો કરો
હવે ‘Update Address via Secret Code’ પર ક્લિક કરો અને એડ્રેસ વેરિફાયરનો આધાર અપડેટ કરો. તમારી પાસે એક સર્વિસ રિકવેસ્ટ નંબર આવશે.
વેરિફાયરને જે લિંક આવશે તેના પર ક્લિક કરી તમારા આધારથી લોગિન કરવું અને જાણકારી ભરવી.
ત્યારબાદ બીજા એસએમએસથી ઓટીપી આવશે અને તેને ભરીને captcha કોડ ભરીને વેરિફાઈ કરવું પડશે.
આ વેરિફાઈ થતાં વધુ એક Service Request Number એસએમએસ દ્વારા આવશે.
કન્ફર્મેશન માટે તમારે Service Request Numberની જરૂર પડશે. વેરિફાયર દ્વારા તમારે પરમિશન આપવી પડશે. હવે તમારો એડ્રેસ રિવ્યૂ કરો, એડિટ કરો અને સબમિટ કરો.
તમારી પાસે એક સીક્રેટ કોડ એડ્રેસ વેલિડેશન લેટર દ્વારા પોસ્ટથી આવશે. ધ્યાન રાખવું આ એ જ એડ્રેસ પર આવશે જેને તમે અપડેટ કર્યું છે.
હવે આધાર પોર્ટલ પર લોગિન કરીને તમારે એડ્રેશ સીક્રેટ કોડની મદદથી અપડેટ કરવાનું છે અને તમારી સામે URN આવશે. આમાં તમે તમારી સર્વિસ રિક્વેસ્ટ જોઈ શકો છો. આ 90 દિવસમાં અપડેટ થઈ જશે.