કામની વાત / LPG રસોઈ ગેસ સિલિન્ડર ખતમ થવાનો છે તો બસ આ રીતે સેકંડ્સમાં કરી લો બુક, સરળ છે પ્રોસેસ

• રસોઈ ગેસ સિલિન્ડર ખતમ થવાનો છે
• સેકંડ્સમાં કરી લો સિલિન્ડર બુક
• વોટ્સએપ નંબરથી ગેસ સિલિન્ડરનું બુકિંગ કરો

Liquid Petroleum Gas આજના સમયમાં મોંઘો બન્યો છે. પરંતુ તેને બુક કરાવવાનું સરળ બન્યું છે. પહેલાની જેમ હવે કલાકો સુધી તેને માટે લાઈનમાં ઊભા રહેવું પડતું નથી. હવે તમે ફક્ત 1 મિસ્ડ કોલની મદદથી કે પછી સ્માર્ટફોનના વોટ્સએપની મદદથી મેસેજ કરીને બુક કરાવી શકો છો. તમારે ખાલી સિલિન્ડર પણ ગેસ એજન્સી સુધી લઈ જવાની જરૂર રહેતી નથી.  
 

વોટ્સએપથી લઈને મિસ્ડ કોલ પર થશે બુકિંગ
ઈન્ડિયન ઓઈલ કોર્પોરેશને ટ્વિટ કરીને ગ્રાહકોને કહ્યું છે કે તેઓ કઈ રીતે ફોનથી ગેસના બુકિંગને શરૂ કરી શકે છે. ઈન્ડિયન ઓઈલની તરફથી તેમના સ્માર્ટ ઓપ્શનન્સને ગ્રાહકોને આપવામાં આવ્યા છે. જે તેમને મદદ કરી શકે છે. તમે વોટ્સએપની મદદથી ગેસનું બુકિંગ કરાવી શકો છો, તમે ઈચ્છો તો  7588888824 પર મેસેજ મોકલી શકો છો. અહીં મિસ્ડ કોલની મદદથી એલપીજી સિલિન્ડર બુક કરાવવા ઈચ્છો છો તો તમારે  8454955555 નંબર પર મિસ્ડ કોલ કરવાનો રહે છે. 

મેસેજ માટે કરો આ નંબરનો ઉપયોગ
જો તમે મેસેજ કરીને સિલિન્ડરનું બુકિંગ કરવા ઈચ્છો છો તો તમારે 7718955555 પર મેસેજ કરવાનો રહે છે. આ સિવાય તમે ઈન્ડિયન ઓઈલ વન એપ, ભારત બિલ પેમેન્ટ સિસ્ટમ અને https://cx.indianoil.in ની મદદથી પણ તમે ગેસ સિલિન્ડરનું બુકિંગ કરાવી શકો છો.  

તમારી પસંદના ડિસ્ટ્રીબ્યુટર પણ કરી શકશો પસંદ
થોડા દિવસો પહેલા જ ગેસ સિલિન્ડરનો ઉપયોગ કરનારા ગ્રાહકોને અધિકાર અપાયો છે કે તેઓ જાતે જ તેમના ડિસ્ટ્રીબ્યુટરની પસંદગી કરી શકે છે. આ સાથે તેઓને રિફિલ બુકિંગ પોર્ટેબિલિટીના નામે સુવિધા આપવામાં આવી રહી છે.  પહેલા તબક્કામાં આ સુવિધા ચંડીગઢ, કોઈમ્બતુર, ગુડગાંવ, પુના, રાંચીમાં રહેનારાને મળશે. આ યોજનાને પહેલા એક પાયલટ પ્રોજેક્ટની જેમ શરૂ કરાશે. આ પાયલટ પ્રોજેક્ટ સફળ થયા બાદ અન્ય શહેરોમાં પણ લોન્ચ કરાશે. 

 પેટ્રોલિયમ મિનિસ્ટ્રીની તરફથી કહેવાયું છે કે ગ્રાહક ઓઈલ માર્કેટિંગ કંપનીના એ ડિલિવરી ડિસ્ટ્રીબ્યુટરમાંથી કોઈ એકને પસંદ કરશે, જે તે ક્ષેત્રમાં એલપીજી ડિસ્ટ્રીબ્યુટ કરે છે. આ ક્ષેત્રમાં સેવા આપનારા અન્ય ડિસ્ટ્રીબ્યુટરને એલપીજી કનેક્શનના ઓનલાઈન ટ્રાન્સફરની સુવિધા ઓએમસીના વેબ પોર્ટલ ની સાથે સાથે ગ્રાહકોના મોબાઈલ એપની મદદથી પણ અપાશે.