સિંગર બપ્પી લહેરીનું 69 વર્ષની ઉંમરે દુખદ નિધન થયું છે. તેઓનો સોના અને ચાંદીનો શોખ જાણીતો હતો. તેઓ પાસે કેટલું સોનું હતું એ જાણીને નવાઈ લાગશે.
સિંગર બપ્પી લહેરીનું 69 વર્ષની ઉંમરે નિધન
સોના ચાંદીના જબરા શોખીન હતા
બોલિવૂડમાં ડિસ્કો અને પોપ મ્યુઝિકનો યુગ શરૂ કર્યો
સિંગર બપ્પી લહેરીનું 69 વર્ષની ઉંમરે દુખદ નિધન થયું છે. છેલ્લા કેટલાક સમયથી તેઓ હોસ્પિટલમાં સારવાર હેઠળ હતા અને હોસ્પિટલમાંજ તેમણે અંતિમ શ્વાસ લીધા છે. એવું પણ કહેવામાં આવી રહ્યું છે કે બપ્પી લાહિરીનું નિધન રાત્રે લગભગ 11 વાગે થયું હતું. બપ્પી લાહિરી ઘણા સમયથી બીમાર હતા અને ક્રિટી કેર હોસ્પિટલમાં તેમની સારવાર ચાલી રહી હતી.
બોલિવૂડમાં ડિસ્કો અને પોપ મ્યુઝિકનો યુગ શરૂ કર્યો
પ્રખ્યાત સંગીતકાર અને ગાયક બપ્પી લાહિરીનું 69 વર્ષની વયે અવસાન થયું અને મુંબઈની એક હોસ્પિટલમાં અંતિમ શ્વાસ લીધા હોવાના સમાચાર બાદ બોલીવુદ શોકમાં છે. (Bappi Lahiri dies in Mumbai) બોલિવૂડમાં ડિસ્કો અને પોપ મ્યુઝિકનો યુગ શરૂ કરનાર બપ્પી લાહિરી તેમના અલગ-અલગ દેખાવ અને સોનાના શોખીન માટે પણ જાણીતા હતા. તેનું નામ સાંભળતા જ સોનું સૌથી પહેલા મનમાં આવે છે, તો ચાલો તમને જણાવીએ કે આટલું સોનું પહેરવાનો તેમનો શોખ ક્યારે અને કેવી રીતે શરૂ થયો.
40 લાખ રૂપિયાના સોનાના માલિક હતા બપ્પી દા
બપ્પી લાહિરીએ વર્ષ 2014માં લોકસભાની ચૂંટણી લડી હતી અને તે સમયે ઉમેદવારી નોંધાવતી વખતે તેમની કુલ સંપત્તિ ઉપરાંત સોના અને ચાંદીની વિગતો આપી હતી. આ દરમિયાન તેણે જણાવ્યું કે તેની પાસે કુલ 752 ગ્રામ સોનું હતું, જેની કિંમત (તે સમયે) 17,67,451 લાખ રૂપિયા હતી. હાલમાં 752 ગ્રામ સોનાની કિંમત 40 લાખ રૂપિયા થઈ ગઈ છે. આ સિવાય બપ્પી લાહિરી પાસે 4.62 કિલો ચાંદી પણ હતી. આ સિવાય તે દર વર્ષે સોનાની વસ્તુઓ પણ ખરીદતા હતા.
ઓબ્સ્ટ્રક્ટિવ સ્લીપ એપનિયાને કારણે મધરાતના બન્યું
હોસ્પિટલના ડાયરેક્ટર ડૉ. દીપક નામજોશીએ જણાવ્યું હતું કે "લહરીને એક મહિના માટે હોસ્પિટલમાં દાખલ કરવામાં આવ્યા હતા અને સોમવારે રજા આપવામાં આવી હતી. પરંતુ મંગળવારે તેમની તબિયત બગડતાં તેમના પરિવારજનો ડૉક્ટરને તેમના ઘરે લઈ ગયા. ત્યાર બાદ ફરી તેમને હૉસ્પિટલમાં પાછા લાવવામાં આવ્યા. તેમને ઘણી સ્વાસ્થ્ય સમસ્યાઓ હતી. ઓએસએ (ઓબ્સ્ટ્રક્ટિવ સ્લીપ એપનિયા)ને કારણે મધરાતના થોડા સમય પહેલા તેમનું અવસાન થયું હતું."
Bappi Lahiri was suffering from Obstructive Sleep Apnea & recurrent chest infection. He was hospitalised in Criticare Hospital, Juhu for 29 days with this. He recovered well & was discharged home on Feb 15: His doctor Dr Deepak Namjoshi (1/2) https://t.co/RpOVO3fkcE
તેમના નિધનના સમાચાર સામે આવ્યા બાદ બોલીવૂ઼માં શોકનું મોજું ફરી વળ્યું છે. થોડાક દિવસ પહેલાજ લતા મંગેશકરનું નિધન થયું હતું ત્યારે વધુમાં બપ્પી લહેરીનું નિધન થયું છે. જેના કારણે આખી ઈન્ડસ્ટ્રી અત્યારે શોકમાં છે.