ન્યુઝીલેન્ડ સામે ઓકલેન્ડ વનડેમાં પંતે ફક્ત 15 રન બનાવ્યા હતા અને એ 15 રન બનાવવા માટે ઋષભ પંતે 23 બોલ લીધા હતા.
ન્યુઝીલેન્ડ સામે ઓકલેન્ડ વનડેમાં પંતે ફક્ત 15 રન બનાવ્યા હતા
પંતે 15 રન બનાવવા માટે 23 બોલ લીધા હતા
છેલ્લી આઠ ઇનિંગ્સમાં પંત 30 રનના આંકડાને સ્પર્શી શક્યો નથી
હાલ વિકેટ કીપર અને બેટ્સમેન ઋષભ પંતનું આંતરરાષ્ટ્રીય ક્રિકેટમાં ખરાબ ફોર્મ ચાલુ છે અને પંતે શુક્રવારે એટલે કે આજે ન્યુઝીલેન્ડ સામે ઓકલેન્ડ વનડેમાં ફક્ત 15 રન બનાવ્યા હતા. જણાવી દઈએ કે પંતને લોકી ફર્ગ્યુસને બોલ્ડ કર્યો હતો અને અંહી ખાસ વાત એ છે કે પંતે 15 રન બનાવવા માટે 23 બોલ લીધા હતા અને આખી ઇનિંગ દરમિયાન તેઓ તેમના બેસ્ટ ફોર્મમાં નજર નહતા આવ્યા. જો કે પંતની આ ઇનિંગ જણાવે છે કે તે હાલ કેટલા ખરાબ ફોર્મ સાથે સંઘર્ષ કરી રહ્યો છે.
આ મેચ પહેલાની વાત કરી તો પંતે ટી20 સિરીઝમાં પણ ઘણું ખરાબ પ્રદર્શન કર્યું હતું અને તેમાં પણ પંત માત્ર 17 રન જ બનાવી શક્યો હતો. જો ઋષભ પંતની છેલ્લી આઠ ઇનિંગ્સ પર નજર નાખીએ તો પંતના બેટમાંથી માત્ર 86 રન જ નીકળ્યા છે અને આ દરમિયાન તેની એવરેજ 11થી પણ ઓછી રહી છે. જણાવી દઈએ કે આ આઠ ઇનિંગ્સમાં વેસ્ટર્ન ઓસ્ટ્રેલિયા સામેની બે અનઓફિશિયલ ટી-20 મેચનો પણ સમાવેશ થાય છે. આ આઠ ઇનિંગ્સમાં ઋષભ પંત એક વખત પણ 30 રનના આંકડાને સ્પર્શી શક્યો નહતો.
ઋષભ પંતની છેલ્લી આઠ ઇનિંગ્સ:
ભારત vs ન્યુઝીલેન્ડ - 15 રન
ભારત vs ન્યુઝીલેન્ડ - 11 રન
ભારત vs ન્યુઝીલેન્ડ - 6 રન
ભારત vs ઈંગ્લેન્ડ - 6 રન
ભારત vs ઝિમ્બાબ્વે - 3 રન
ભારત vs વેસ્ટર્ન ઓસ્ટ્રેલિયા - 9 રન
ભારત vs વેસ્ટર્ન ઓસ્ટ્રેલિયા - 9 રન રન
ભારત vs સાઉથ આફ્રિકા - 27 રન
મર્યાદિત ઓવરોમાં પંતનો કોઈ ખાસ રેકોર્ડ નથી
ઋષભ પંતનું મર્યાદિત ઓવરનું ફોર્મ શરૂઆતથી જ ઘણું ખરાબ રહ્યું છે અને પંતે 66 T20 આંતરરાષ્ટ્રીય મેચોમાં 22.43ની સરેરાશથી 987 રન બનાવ્યા છે. જો કે આ દરમિયાન પંતે T20 ઈન્ટરનેશનલમાં 3 અડધી સદી ફટકારી છે અને તેનો અત્યાર સુધીનો બેસ્ટ સ્કોર અણનમ 65 રન છે. વન ડે ઈન્ટરનેશનલની વાત કરીએ તો પંતે 28 મેચમાં 36ની એવરેજથી 855 રન બનાવ્યા છે.
ભારતે 307 રનનો ટાર્ગેટ આપ્યો છે
મેચની વાત કરીએ તો ટોસ હાર્યા બાદ પ્રથમ બેટિંગ કરતા ભારતે સાત વિકેટે 306 રન બનાવ્યા હતા. કેપ્ટન શિખર ધવન, શ્રેયસ ઐયર અને ઓપનર શુભમન ગિલ પણ ભારતીય ઇનિંગ્સના હીરો રહ્યા હતા. જણાવી દઈએ કે ધવને 72 અને ગિલે 50 રન બનાવ્યા હતા અને બંને વચ્ચે પહેલી વિકેટ માટે 124 રનની ભાગીદારી થઈ હતી. ઉપરાંત શ્રેયસ અય્યરની વાત કરીએ તો તેણે 76 બોલમાં 80 રન બનાવ્યા હતા. આ સાથે જ ટીમ ઈન્ડિયા તરફથી વોશિંગ્ટન સુંદર રમતો જોવા મળ્યો હતો અને તેને 16 બોલમાં ત્રણ છગ્ગા અને ત્રણ ચોગ્ગાની મદદથી અણનમ 37 રન બનાવ્યા હતા.