સ્ટડી / કોરોનાને લઈને કરાયેલા નવા સ્ટડીમાં આવ્યા ચોંકાવનારા પરિણામ, લક્ષણ પહેલા જ દર્દીમાં જોવા મળે છે સૌથી વધુ સંક્રમણ

• કોરોનાને લઈને કરાયો નવો સ્ટડી
• લક્ષણ પહેલાના 2 દિવસમાં દર્દીમાં સંક્રમણ સૌથી વધારે
• ચીનમાં કરવામાં આવ્યો છે આ ચોંકાવનારો સ્ટડી

કોરોના મહામારીની સામે દુનિયા લડી રહી છે ત્યારે અનેક નવા વેરિઅન્ટની સાથે વૈજ્ઞાનિકો અને ડોક્ટર્સ પણ લડી રહ્યા છે. આ સમયે કોરોના સંક્રમિત લોકોને વાયરસના ફેલાવવાને લઈને એક નવો સ્ટડી સામે આવ્યો છે. આ સ્ટડી ચીનમાં કરાયો છે. જેમાં કહેવાયું છે કે કોરોનાની ઝપેટમાં આવતા પહેલા વ્યક્તિમાં 2 દિવસ પહેલા સૌથી વધારે સંક્રમણ રહે છે અને લક્ષણ સામે આવ્યાના 3 દિવસ સુધી પણ સંક્રમણ સૌથી વધારે રહે છે.  આ સ્ટડી જેએએમએ ઈન્ટરનેશનલ મેડિસિનમાં પ્રકાશિત સ્ટડીમાં પણ જોવા મળ્યો છે. જેમાં વિના લક્ષણ વાળા કોરોના દર્દીના સંપર્કમાં આવીને સંક્રમિત થનારા લોકોમાં કોઈ લક્ષણો ન દેખાવવાની સંભાવના વધારે રહે છે. આ રીતના કેસ પહેલાના સમયમાં કોરોના પીડિતના સંપર્કમાં આવનારા લોકોમાં સામે આવી શકે છે.  
 

ક્યારે વધારે ફેલાય છે કોરોના
રિપોર્ટમાં કહેવાયું છે કે કોરોનાના ફેલાવવાની સૌથી વધારે આશંકા કોઈના કોરોના ડિટેક્ટ થતા પહેલા અને પછી વધારે રહે છે. રિપોર્ટના આધારે અમેરિકાની બોસ્ટન યુનિ ઓફ પબ્લિક હેલ્થના આસિસ્ટન્ટ પ્રોફેસર લિયોનાર્ડો માર્ટિનેઝે પણ તેની પુષ્ટિ કરી છે. તેઓએ કહ્યું કે પૂર્વના અઘ્યયનથી સાબિત થયું છે કે પીડિતમાં લક્ષણથી બહાર આવ્યા પહેલા અને પછી કોરોનાના પ્રસારની સૌથી વધારે આશંકા રહે છે. 

ચીનમાં થયો આ નવો રિસર્ચ
રિસર્ચ ચીનના ઝેજિયાંગમાં જાન્યુઆરી 2020- ઓગસ્ટ 2020 સુધીમાં 8852 લોકો પર કરાયો છે. કેમાં કોરોનાના પ્રાઈમરી કેસના દર્દીની ઓળખ કરાઈ હતી. તેમાં 89 ટકા સામાન્ય અને મધ્યમ સ્તરના લક્ષણ મળ્યા હતા. જ્યારે 11 ટકા વિના લક્ષણો વાળા દર્દીઓ પણ હતા. અધ્યયનમાં જાણવા મળ્યું કે લક્ષણ શરૂ થયાના થોડા દિવસ પહેલા અને પછી કોરોના સંક્રમણ વ્યક્તિમાં સૌથી વધારે રહે છે.