2020 ના વર્ષમાં જેટલો પણ સમય લોકો ઘરોમાં કેદ હતા તેટલા સમયમાં પરિવારની ઘરેલુ બચત વધીને 22.5 ટકા થઈ છે.
લોકડાઉનમાં લોકોની ઘરેલુ બચતમાં થયો વધારો
લોકોની ભૌતિક બચતમાં થયો મોટો વધારો
આરબીઆઈના આંકડા પરથી થયો ખુલાસો
2019 માં ઘરેલુ બચત 19.8 ટકા હતી પરંતુ 2020 માં તે વધીને 22.5 ટકા થઈ. પરંતુ એપ્રિલમાં જ્યારે આખો દેશ કડક લોકડાઉન હેઠળ હતો ત્યારના સમયમા પરિવારની ભૌતિક બચત ઘટીને 5.8 ટકા રહી હતી. પરંતુ ડિસેમ્બરના ત્રિમાસિકમાં ઘરેલુ બચત જીડીપીના 13.7 ટકા પર પહોંચી.
આરબીઆઈ દ્વારા જારી થયેલા ડેટા અનુસાર, 2020 ના જુન ત્રિમાસિકમાં ઘરેલુ નોન ફાઈનાન્સિયલ બચત જીડીપીના 21.4 ટકા હતી અને સપ્ટેમ્બરમાં તે 10.4 ટકા હતી. જ્યારે મહામારી પહેલા સમયમાં ઘરેલુ બચત 7.8 ટકા હતી.
2020 માં સમગ્ર વિશ્વભરમાં ઘરેલુ બચતમાં વધારો થયો
સપ્ટેમ્બર ત્રિમાસિકની તુલનામાં, પરિવારોની બચત અને રોકાણમાં વધારો થયો હતો પરંતુ ડિપોઝીટ, પેન્શન અને નાની બચતના સ્વરુપમાં બચતમાં મોટો ઘટાડો થયો હતો. ભૌતિક પ્રતિબંધોને કારણે 2020 માં સમગ્ર વિશ્વભરમાં ઘરેલુ બચતમાં વધારો થયો હતો. 2020 માં ભારતમાં ઘરેલુ બચતમાં વધારો સૌથી ઓછો હતો. જાપાન જેવા દેશમાં તો ઘરેલુ બચતમાં 5.4 ટકાનો વધારો જોવા મળ્યો હતો.
મહામારીમાં લોકોની નાણાકીય જવાબદારીઓ ઘટી
મહામારીમાં બેન્કો પાસેથી લોન લેનાર લોકોની સંખ્યા પણ ઘણી વધારે હતી પરંતુ ડિસેમ્બરના ત્રિમાસિકમાં બેન્ક સિવાયની નાણાકીય કંપનીઓ અને હાઉસિંગ ફાઈનાન્સ કંપનીઓની નાણાકીય જવાબદારીમાં ખૂબ મોટો ઘટાડો થયો હતો. 2020 ના બીજા ત્રિમાસિકમાં ઘરેલુ રોકાણ અને ભૌતિક બચત ઘટીને 5.8 ટકા થઈ હતી. 2020 ના બીજા, ત્રીજા અને ચોથા ત્રિમાસિકમાં ભૌતિક બચત 10.6 ટકા પર સ્થિર રહી