ઑટો / મોંઘુ હોવા છતાં એક્ટિવાનું વેચાણ સૌથી વધારે, હોન્ડાએ વેચી 1 લાખ ટૂ વ્હીલર્સ

કંપનીએ તાજેતરમાં જ એક્ટિવા 6G લોન્ચ કરી હતી. હોન્ડા Bs6 વાળું સ્કૂટર રજૂ કરનારા પહેલી કંપની હતી. સૌથી પહેલા કંપનીએ Activa 125 BS6 લોન્ચ કરી હતી. ભારતમાં એક્ટિવા 6G ની કિંમત 63912 રૂપિયા છે. 

એક્ટિવા 6G ઑનગોઇગ મોડલ Bs4 5G થી આશરે 7500 રૂપિયા મોંઘુ છે. નવી હોન્ડા એક્ટિવામાં Bs6 કમ્પ્લાયન્ટ 109ccનું એન્જિન આપવામાં આવ્યુ છે. Bs6 માં અપગ્રેડ કરવા ઉપરાંત આ એન્જિનમાં કાર્બ્યુરેટરની જગ્યાએ ફ્યૂલ ઇન્જેક્શન સિસ્ટમનો સમાવેશ થાય છે. નવી એક્ટિવા 6G નું એન્જિન 8000 rpm પર 7.68 bhp નો પાવર અને 5250 rpm પર 8.79 Nm પીક ટોર્ક જનરેટ કરે છે. કંપનીએ દાવો કરે છે, નવી એક્ટિવામાં જૂના મોડલથી 10% વધારે એવરેજ મળશે. એક્ટિવા 5Gની સરખામણીએ એક્ટિવા 6G નો પાવર થોડો ઓછો છે. એક્ટિવા 5G માં આપવામાં આવેલું Bs4 એન્જિન 7.96hp નો પાવર જનરેટ કરે છે. 

નવી એક્ટિવામાં સેમી ડિજિટલ ઇન્સ્ટ્રૂમેન્ટમાં કંસોલ, રિમોટ હેચ ઑપનિંગ સાથે મલ્ટી ફંક્શન સહિત અનેક ફિચર્સનો સમાવેશ થાય છે. નવા સ્કૂટરમાં નવું સાઇલેન્ટ-સ્ટાર્ટ ACG મોટર આપવામાં આવી છે.જે કંપનીએ પહેલી વખત ગત વર્ષે લોન્ચ થયેલા એક્ટિવા 125માં આપ્યુ હતુ. એક્ટિવા 5G ની સરખામણીએ નવા મોડલની સીટ લાંબી છે અને વ્હીલબેઝ પણ વધારે છે.

કંપનીના સેલ્સ અને માર્કેટિંગ પર્સને કહ્યુ કે, અમને એ વાતનો ગર્વ છે કે કંપની BS6 સેગમેન્ટને ડેડલાઇનથી 6 મહિના પહેલા લીડ કરી રહી છે. તેણે કહ્યુ કે, કંપની પોતાના પ્રોડક્ટ્સમાં AcG સ્ટાર્ટર જેવા અનેક સેગમેન્ટ ફર્સ્ટ ફિચર્સ આપે છે. જેથી તેની એવરેજ પણ પહેલા કરતા સારી બને છે.