- પેટ ફુલી જવુ એ હોઇ શકે છે બીમારી
- ભોજન કર્યા પછી પેટ ભારે લાગવુ
- પેટ ફુલી જવાની હોય સમસ્યા તો ડોક્ટરનો સંપર્ક કરો
સપ્રમાણ ભોજન કર્યા બાદ પણ જો તમારું પેટ ફુલી જતુ હોય તો, નજરઅંદાજ ભૂલથી ન કરતા, હોઇ શકે છે બીમારી
બપોરે કે રાત્રે જમ્યા પછી પેટ ભારે લાગવુ કે પછી પેટ ફુલી જાય તે સામાન્ય વાત છે. જમ્યા પછી પેટમાં ગેસ બનવાને કારણે આવું થઇ શકે છે. પરિણામે પાચનક્રિયા ખરાબ થાય છે. ભલે આ સમસ્યા સામાન્ય હોય પરંતુ આ સ્થિતિને લઇને ગંભીરતા દાખવવી જરુરી છે. સામાન્ય ખોરાક ખાવાથી પણ જો પેટ ફુલવાની સમસ્યા હોય તો તેને નજરઅંદાજ ન કરશો. તમને હોઇ શકે છે ગંભીર બીમારી. ત્યારે જો તમને પણ આવુ થતુ હોય તો કેટલીક બાબતો ધ્યાનમાં રાખવા જેવી છે. સાથે જ ડોક્ટરને બતાવવું પણ જરુરી છે.
પેટ ફૂલવાના કારણો શું ?
કેટલાક લોકોને સામાન્ય લોકો કરતાં પેટ ફૂલવાની સમસ્યા વધુ હોય છે. તેની પાછળ ઘણા કારણો હોઈ શકે છે. જેમ કે ઇરિટેબલ બોવેલ સિન્ડ્રોમ (IBS),પીરિયડ્સ, વારંવાર ખાવાની ટેવ અથવા વધુ પડતા ફાઇબરનું સેવન.પેટ ફૂલવાનું બીજું કારણ આંતરડાને લગતો રોગ હોઈ શકે છે જેને સ્મોલ ઈન્ટેસ્ટીનલ બેક્ટેરિયલ ઓવરગ્રોથ (SIBO) કહેવાય છે. નિષ્ણાતોના મતે આ બેક્ટેરિયા ભોજનમાંથી બને છે જેને કારણે મિથેન, હાઇડ્રોજન અને હાઇડ્રોજન સલ્ફાઇડ જેવા વાયુઓ ઉત્પન્ન થાય છે. આંતરડામાં આવા ગેસની રચનાને કારણે, પેટમાં ફૂલેલાની લાગણી થાય છે. જો તમને SIBO હોય, તો તમે કંઈપણ ખાધા પછી ફૂલેલું અનુભવો છો. ત્યારે આવી સમસ્યાથી બચવા માટે શું કરવુ. આવો જાણીએ.
ભોજન વચ્ચે અંતર જાળવો
નાના આંતરડા પોતાને સ્વચ્છ રાખવાનું કામ જાતે જ કરે છે. જે ખોરાક પેટમાં પચતો નથી તે નાના આંતરડામાંથી મોટા આંતરડામાં જાય છે. જ્યારે આપણે ખાતા નથી ત્યારે દર બે કલાકે આવું થાય છે. આ ક્રિયા આપણા પેટમાં જોવા મળતા નાના બેક્ટેરિયાને સંતુલિત રાખે છે. પેટમાં આ સંતુલન જાળવવા માટે, કંઈપણ ખાવામાં થોડા કલાકોનું અંતર રાખો.
ધીમે-ધીમે ખાઓ
સ્વાસ્થ્ય નિષ્ણાતો કહે છે કે ખોરાક હંમેશા ધીમે ધીમે અને ચાવીને ખાવો જોઇએ. . તમે જેટલું વધારે ખોરાક ચાવશો, તેટલી ઓછી હવા તમારા મોંમાં જશે. મોંમાં ઓછી હવાનો અર્થ એ છે કે તમને પેટ ફૂલવાની સમસ્યા ઓછી થશે.
વધુ પાણી પીવો
ક્યારેક વધુ પડતું સોડિયમ લેવાથી પણ પેટ ફૂલી જાય છે. આવી સ્થિતિથી બચવા માટે પુષ્કળ પાણી પીવો. વધુ પાણી શરીરમાં સંગ્રહિત સોડિયમની વધારાની માત્રાને બહાર કાઢવામાં મદદ કરે છે.
ઓછા આથો વાળો ખોરાક લો
ડાયેટિશિયન કહે છે કે ઓછા આથોવાળો ખોરાક ખાવાથી SIBOના લક્ષણો અનુભવાતા નથી. જો કે, આ બાબતે વધુ સંશોધનની જરૂર છે. કૃત્રિમ સ્વીટનર, કઠોળ, કોબીજ અને બ્રોકોલી તથા ઉચ્ચ આથો ધરાવતા ખોરાક પેટમાં ગેસ ઉત્પન્ન કરવાનું કામ કરે છે. તેથી આ સમસ્યાથી બચવા માટે આ વસ્તુઓનું સેવન ઓછું કરો.
