ફાયદાકારક / માત્ર આ 5 દેશી ઉપચાર નોંધી લો, આખો શિયાળો તમને નહીં થાય ગળામાં ઈન્ફેક્શન, શરદી, ખાંસી અને કફ

• શિયાળામાં ગળામાં ઈન્ફેક્શનની સમસ્યા વધી જાય છે
• ગળામાં દુખાવો, સોજો, શરદી માટે બેસ્ટ દેશી ઉપચાર
• લસણ અને આદુનો કરો ઉપાય

ગળામાં ખારાશ, શરદી, કફ, ખાંસી અને અન્ય સમસ્યાઓનો સંબંધ આપણા શ્વસનતંત્ર સાથે હોય છે. શિયાળામાં આ સમસ્યા ખૂબ જ વધી જાય છે. જ્યારે ગળાના આંતરિક ભાગમાં ઈન્ફેક્શન થઈ જાય છે ત્યારે ગળામાં સોજો, ખાસી અને ખારાશ થવા લાગે છે. જેના કારણે શરદી અને ખાંસી પણ થઈ જાય છે. જેથી આ સમસ્યામાં ડોક્ટર પાસે જવા કરતાં ઘરે જ અહીં જણાવેલા ઉપાયો અજમાવો. ચાલો જાણીએ.

લસણ ચાવીને ખાઓ 

લસણ એક ઉત્તમ ઔષધી છે. તેમાં એલિસિન નામનું તત્વ હોય છે. જે ગળામાં ઈન્ફેક્શન પેદા કરતાં બેક્ટેરિયાને ખતમ કરી દે છે. જેથી રોજ સવારે અથવા જ્યારે ગળાની સમસ્યા બહુ વધી જાય ત્યારે 1 કળી લસણની ચાવીને ખાઈ લો.

નવશેકું લીંબુ પાણી

1 ગ્લાસ નવશેકા પાણીમાં 1 લીંબુનો રસ અને ચપટી સિંધવ મીઠું અને અડધી ચમચી મધ નાખીને પી જાઓ. આ ડ્રિંક દિવસમાં 2 વાર પીવાથી ગળાના દુખાવામાં આરામ મળે છે. 

કોગળા કરવા

ગળામાં દુખાવો, ખારાશ કે અન્ય કોઈ સમસ્યા થાય તો તરત જ ગરમ પાણી અને મીઠાંના કોગળા કરવાનું શરૂ કરી દો. તે ગળામાં ઈન્ફેક્શન, સોજો અને ખારાશને પણ દૂર કરે છે. જેનાથી ગળામાં દુખાવો પણ દૂર થાય છે. 

આદુની ચા

પેટથી લઈને વાળ અને અન્ય રોગોમાં પણ બહુ જ ગુણકારી છે આદુ. આદુમાં રહેલું જિન્જેરોલ અને અન્ય તત્વો શિયાળામાં બહુ જ ફાયદો કરે છે. તેની તાસીર ગરમ હોય છે અને તેના એન્ટીબેક્ટેરિયલ તત્વ ગળામાં સોજાની સમસ્ય દૂર કરે છે. જેથી આદુનું સેવન કરો. તમે આદુની ચા બનાવીને પણ પી શકો છો. તેમાં માટે એક કપ પાણીમાં એક ઈંચ આદુ છીણીને નાખી દો. પછી તેમાં 1 લવિંગ અને 1 મરી નાખી ઉકાળીને ગાળી લો. છેલ્લે તેમાં મધ નાખીને પી જાઓ. 

જેઠીમધ ખાઓ

જેઠીમધ શિયાળામાં થતી સમસ્યાઓ માટે રામબાણનું કામ કરે છે. સાથે જ તેના ઔષધીય ગુણ ઘણી સમસ્યાઓમાં લાભકારક છે. સિઝનલ ચેન્જિસમાં ગળામાં ઈન્ફેક્શન અને દુખાવો થાય તો જેઠીમધનું ચૂર્ણ મોંમાં રાખી ચૂસવાથી તરત આરામ મળે છ. અથવા તો તમે ગરમ પાણીમાં અડધી ચમચી જેઠીમધ મિક્સ કરીને પણ પી શકો છો.