પલટવાર / તમે ગુજરાત પોલીસને અભિનંદન ના આપી શકો તો વાંધો નથી પણ... : હર્ષ સંઘવીએ રાહુલ ગાંધીના ટ્વિટ પર આપી પ્રતિક્રિયા

• ગૃહરાજ્યમંત્રી હર્ષ સંઘવીનું નિવેદન 
• ATSએ ફિલ્મોમાં ન જોયા હોય તેવા ઓપરેશન કર્યા
• રાહુલ ગાંધીના નિવેદનને નિંદનીય ગણાવ્યું
• "અભિનંદન ન આપી શકો,તો રાજકીય વિષય ન બનાવો"

ગુજરાતમાં મુંદ્રા પોર્ટથી લઈ 1600 કિલોમીટરના લગભગ દરિયાકાંઠેથી ડ્રગ્સ ઝડપાવવાના કિસ્સાઓ બહાર આવી રહ્યા છે.  ત્યારે કોંગ્રેસના પૂર્વ અધ્યક્ષ રાહુલ ગાંધીએ ગુજરાતમાં ઝડપાતા ડ્રગ્સ પર તંજ કસ્યો છે. ગત 1 ઓગસ્ટના રોજ રાહુલ ગાંધીએ ટ્વીટ કરીને લખ્યું હતું કે શું ગુજરાતમાં માફિયા સરકાર ચાલી છે એટેલે ડ્રગ્સ વારંવાર ઝડપાઇ રહ્યું છે. 

પોલીસનું મોરલ તોડીને રાજકીય વિષય બનાવવો નિદનીય: હર્ષ સંઘવી

રાજ્યમાં ડ્રગ્સ પકડાવવા મામલે ગૃહ રાજ્યમંત્રી હર્ષ સંઘવીએ પણ રાહુલ ગાંધીના ટ્વીટ પર વળતો જવાબ આપ્યો છે અને કહ્યું છે કે પાડોશી દેશોના ડ્રગ્સના નેટવર્ક તોડવા ખૂબ સાહસની જરૂર છે. જે ખૂબ કાળજીપૂર્વક  ગુજરાત પોલીસે એક બાદ એક ઘણા ઓપરેશનો પાર પાડ્યા. ગુજરાત ATSએ ફિલ્મોમાં ન જોયા હોય તેવા ઓપરેશનો કર્યા. દેશના અલગ અલગ રાજ્યોમાં ડ્રગ્સ પહોંચાડવાનું ષડયંત્ર પોલીસે તોડી પાડ્યું છે. વધુમાં રાહુલ ગાંધીના ડ્રગ્સ મામલેના નિવેદન પર હર્ષ સંઘવીએ પ્રતિક્રિયા આપી છે.સ કહેવાતા નેતાને ફરક સમજવાનું વિઝન નથી તે જાણીને દુઃખ થાય છે. ગુજરાત પોલીસે ડ્રગ્સને રાજસ્થાન, મહારાષ્ટ્ર, દિલ્લી, પંજાબ જતું અટકાવ્યું છે. તમે ગુજરાત પોલીસને અભિનંદન ના આપી શકો તો વાંધો નથી, પોલીસનું મોરલ તોડીને રાજકીય વિષય બનાવવો તે નિંદનીય છે.

રાહુલ ગાંધીએ ટ્વીટ કરી શું કહ્યું હતું?
એક જ પોર્ટ પર 3 વખત ડ્રગ્સ ઝડપાયું તેમ છેતા પણ તેજ પોર્ટ પર કેમ સતત ડ્રગ્સની ખેપ ઉતરી રહી છે. શું ગુજરાતમાં કાનૂન વ્યવસ્થા ખતમ થઈ ગઈ છે. માફિયાઓને કાયદાનો કોઈ ડર જ નથી? અથવા તો માફિયાની જ સરકાર છે.

ગુજરાત પોલીસના ઓપરેશન 

• છેલ્લા 2 વર્ષમાં 30 પાકિસ્તાની 17 ઇરાની અને 2 અફઘાની અને 1 નાઇઝીરિયનની ધરપકડ
• 6 મહિનામાં NDPS એક્ટ અંતર્ગત 422 કેસ રજિસ્ટર્ડ કર્યા 
• આશરે 667 ડ્રગ્સ માફિયાને આ કાયદા અંતર્ગત જેલહવાલે કર્યા 
• ડ્રગ્સ માફિયા પાસેથી 25 હજાર 699 કિલો ડ્રગ્સ જપ્ત કર્યુ
• આ ડ્રગ્સની આંતર રાષ્ટ્રીય બજાર કિંમત આશરે 5 હજાર કરોડ 

ઓપરેશન નંબર 1 

• લોકેશન ભારત-પાકિસ્તાન મરિન બોર્ડર 
• ગુજરાત ATS અને કોસ્ટગાર્ડની સંયુક્ત કામગીરીથી ભારત-પાક. બોર્ડર પાસે 9 પાકિસ્તાનીઓને પકડ્યા
• અલહજ નામની બોટમાંથી 280 કરોડની કિંમતનું 56 કિલો હેરોઇન જપ્ત કર્યુ

ઓપરેશન નંબર 2 

• દ્વારકા જિલ્લા પોલીસની કામગીરી
• મુંબઇનો સૌથી મોટો ડ્રગ્સ માફિયા ગુજરાતના સલાયા બંદરથી ઝડપાયો
• મુંબઇમાં 20 વર્ષથી શાકભાજીની આડમાં ડ્રગ્સનો કરતો હતો કાળો કારોબાર
• ડ્રગ્સ માફિયા સજ્જાદ સિંકદર પાકિસ્તાન અને દુબઇમાં ધરાવતો હતો કોન્ટેક્ટ 
• સજ્જાદના બે સાગરિતો પાસેથી 63 કિલો હેરોઇન 137 કિલો ડ્રગ્સ કરાયું હતું જપ્ત 
• આંતરરાષ્ટ્રીય બજારમાં આ ડ્રગ્સની કિંમત 315 કરોડથી વધુ 

ઓપરેશન નંબર 3 

• ઓનલાઇન કારોબાર પર તરાપ
• ગુજરાત પોલીસે ડ્રગ્સનું ઓનલાઇન વેચાણ કરતી વેબસાઇટોનો પર્દાફાશ કર્યો
• ડાર્ક વેબનો ઉપયોગ કરી વિદેશમાંથી મગાવતા હતા ડ્રગ્સ 
• પોલીસે વેબસાઇટના આધારે વેબસાઇટના 5 માલિકોની કરી ધરપકડ
• આરોપીઓને ત્યાં સર્ચ કરતા 100 અલગ-અલગ જગ્યા પરથી 250 કિલો ડ્રગ્સ મળ્યું
• ડાર્ક વેબસાઇટ મારફતે રોજનું 10 કરોડ કિંમતનું મગાવતા હતા ડ્રગ્સ 

ઓપરેશન નંબર 4

• જખૌ બંદર પર ડ્રગ્સના રેકેટનો પર્દાફાશ 
• ગુજરાત ATSએ જખૌ બંદરથી 35 કિમી દૂર 6 પાકિસ્તાની ઝડપ્યા
• IMBL પાસે ATSએ ઓપરેશન કરી ને અલ હુસેન બોટમાંથી 6ને ઝડપ્યા
• પાકિસ્તાની ડ્રગ્સ માફિયા હાજી હસન અને હાજી હાસમને ઝડપ્યા
• બોટમાંથી 385 કરોડની કિંમતનું હેરોઇન જપ્ત કર્યુ

ઓપરેશન નંબર 5 

• ઝીંઝુડામાં મોટી સફળતા 
• ગુજરાત ATSએ મોરબીના ઝીંઝુડામાં કરી હતી કાર્યવાહી
• ઝીંઝુડા ગામની દરગાહ પાસે રાખતા હતા ડ્રગ્સ 
• સમસુદ્દીન હુસેનમિયાના ઘરમાં હતું પાકિસ્તાની ડ્રગ્સ
• ATSએ 118 કિલો હેરોઇન સાથે 3 લોકોની કરી હતી ધરપકડ
• 118 કિલો હેરોઇનની આંતરરાષ્ટ્રીય બજાર કિંમત 593 કરોડ
• મોરબી જામનગર અને દિલ્લીમાં ATSએ કર્યુ હતું સર્ચ 
• સર્ચ દરમિયાન ATSએ 1 નાઇઝિરીયન સહિત 14 લોકોની કરી ધરપકડ

ઓપરેશન 6

• પોરબંદરમાં ઓપરેશન
• ગુજરાત પોલીસે પોરબંદરના દરિયામાં પાકિસ્તાની IMBL પાસે કર્યુ ઓપરેશન
• ગુજરાત ATS અને કોસ્ટગાર્ડે 28 કલાક દરિયામાં કર્યુ સર્ચ
• જુમ્મા નામની બોટમાંથી 150 કરોડની કિંમતનું 30 કિલો હેરોઇન જપ્ત 
• સંયુક્ત સર્ચમાં 7 ઇરાની નાગરિકોની કરી ધરપકડ

ઓપરેશન 7 

• રાજસ્થાનમાં ઓપરેશન
• ગુજરાત ATSએ રાજસ્થાનમાં ચાલતા ડ્રગ્સ રેકેટનો કર્યો પર્દાફાશ
• નુરાખાન અને કાયમખાન ડ્રગ્સ માફિયાને બાડમેરથી ઝડપી લીધા
• ડ્રગ્સ માફિયા બાડમેરથી ગુજરાતમાં ડ્રગ્સની હેરાફેરી કરતા હતા
• બાતમીને આધારે પોલીસે ખેપિયાઓને ગુજરાત બોર્ડર પરથી ઝડપ્યા
• ખેપિયા પાસેથી 20 લાખ રોકડા અને 200 ગ્રામ મેફેડ્ર્રોન ડ્રગ્સ ઝડપ્યું

ઓપરેશન 8

• પાડોશી દેશોનું ષડયંત્ર બેનકામ
• પાકિસ્તાની-ઇરાની ડ્રગ્સ માફિયાઓને આંતરરાષ્ટ્રીય બોર્ડર પરથી ઝડપ્યા
• ગુજરાત પોલીસે DRI સાથે મળીને પીપાવાવ પોર્ટ પર કરી હતી રેડ
• પોર્ટ પર કન્ટેનરમાં સંતાડીને કરોડો રૂપિયાના ડ્રગ્સની કરાતી હતી હેરાફેરી
• પોલીસે કન્ટેનરમાંથી 395 કિલો ડ્રગ્સ જપ્ત કર્યુ

ઓપરેશન 9

• કંડલા પોર્ટ પરની કાર્યવાહી
• અફઘાનિસ્તાનથી કંડલા પોર્ટ પર જિપ્સમની બોરીમાં હેરોઇન મોકલતા હતા
• ATSની ટીમે 1439 કરોડની કિંમતનું 205 કિલો હેરોઇન જપ્ત કર્યુ
• ATS અને DRIની સંયુક્ત કામગીરીથી ઓપરેશન સફળ રહ્યું 

ઓપરેશન 10 

• પાકિસ્તાન મરીન લાઇન પર ઓપરેશન
• અલ નોમાન નામની પાકિસ્તાની બોટમાં ડ્રગ્સની ખેપ મારતા ખેપિયા ઝડપાયા
• પાકિસ્તાનના ગ્વાદર પોર્ટથી ભારતમાં ડ્રગ્સ ઘુસાડતા હતા
• ગુજરાતના જખૌ પોર્ટ પર અલનોમાન બોટ આવે તે પહેલા ATSએ ઝડપી લીધી
• ATSએ બોટમાં સવાર 7 ડ્રગ્સ માફિયાઓને 4 દિવસની જહેમત બાદ ઝડપ્યા 
• બોટમાંથી 245 કરોડની કિંમતનું 49 કિલો ડ્રગ્સ ATSએ કર્યુ જપ્ત