પ્રવાસ / અમિત શાહ કચ્છની મુલાકાતેઃ સરહદી ક્ષેત્ર વિકાસોત્સવ 2020 કાર્યક્રમમાં રહેશે ઉપસ્થિત

• કેન્દ્રીય ગૃહમંત્રી અમિત શાહ ગુજરાતના પ્રવાસે 
• સરહદી ક્ષેત્ર વિકાસોત્સવ 2020 કાર્યક્રમમાં ઉપસ્થિત રહેશે
• કેન્દ્રીય કૃષિમંત્રી નરેન્દ્રસિંહ તોમર પણ ઉપસ્થિત રહેશે
• CM વિજય રૂપાણી પણ કાર્યક્રમમાં ઉપસ્થિત રહેશે

કેન્દ્રીય ગૃહમંત્રી અમિત શાહ આજરોજ કચ્છ ખાતે સરહદી ક્ષેત્ર વિકાસોત્સવ 2020 કાર્યક્રમમાં હાજરી આપશે. આ કાર્યક્રમમાં કેન્દ્રીય કૃષિમંત્રી નરેન્દ્રસિંહ તોમર તેમજ રાજ્યના મુખ્યમંત્રી વિજય રુપાણી પણ ઉપસ્થિત રહેશે. 

અમિત શાહ કચ્છના સરહદી વિસ્તારમાં આવેલા ગામડાઓના સરપંચો સાથે સંવાદ કરશે. જેમાં 3 જિલ્લાના 158 ગામના સરપંચો સામેલ થશે. આ સંવાદમાં સરહદી વિસ્તારને સ્પર્શતા શિક્ષણ, રસ્તા, આરોગ્યના કામ અંગે ચર્ચા કરશે. 

આ સાથે કેન્દ્રીય ગૃહ મંત્રી બોર્ડ એરિયા ડેવલપમેન્ટ પ્રોગ્રામ હેઠળ પ્રોજેક્ટ અંગે પણ ચર્ચા કરશે. જેમાં પીવાના પાણીની વ્યવસ્થા, ખેતીક્ષેત્રના વિકાસ, શિક્ષણ, મોડલ વેલિજ, રમત ગમતનો વિકાસ કરાશે. 

ઉલ્લેખનીય છે કે આ ક્ષેત્રમાં છેલ્લા 5 વર્ષમાં 1638 પ્રોજેક્ટ હેઠળ 19,375 લાખનો ખર્ચ થયો છે. કચ્છ જિલ્લામાં 1002 પ્રોજેક્ટ પૂર્ણ કરાયાં છે. આ સાથે કેન્દ્રીય ગૃહમંત્રી અમિત શાહના હસ્તે પોલીસની ટીમને સ્પેશિયલ ઓપરેશન મેડલ એનાયત કરશે.