આજે સમગ્ર ભારત ઉલ્લાસથી રંગ અને ઉમંગનો તહેવાર ઉજવી રહ્યો છે ત્યારે પીએમ મોદીએ દેશવાસીઓને શુભકામનાઓ પાઠવી છે.
આજે દેશભરમાં ધૂળેટીની ઉજવણી
પીએમ મોદી સહિતના નેતાઑએ આપી શુભકામનાઓ
કોરોના વાયરસના કારણે રંગમાં પડ્યો ભંગ
આજે દેશભરમાં હોળી-ધૂળેટીનો તહેવાર ઉજવવામાં આવી રહ્યો છે. દેશમાં આજે તહેવારના રંગ વિખેરાઇ રહ્યા છે ત્યારે પીએમ મોદીએ દેશવાસીઓને હોળીની શુભેચ્છાઓ પાઠવી છે.
પીએમ મોદીએ કર્યું ટ્વિટ
પીએમ મોદીએ ટ્વિટ કરતાં કહ્યું કે આપ સૌને હોળીની ખૂબ શુભેચ્છાઓ. આનંદ, ઉમંગ, હર્ષ અને ઉલ્લાસનો આ તહેવાર દરેકના જીવનમાં નવા ઉત્સાહ અને ઉર્જાનો સંચાર કરે.
ગૃહમંત્રી અમિત શાહે ટ્વિટ કરીને કહ્યું કે દેશવાસીઓને હોળીના પાવન પર્વની હાર્દિક શુભકામનાઓ. રંગ-ઉમંગ, એકતા અને સદભાવનાનો મહાપર્વ તમારા જીવનમાં સુખ, શાંતિ અને સૌભાગ્ય લઈને આવે.
કમલા હેરિસે પણ આપી શુભકામનાઓ
અમેરિકાના ઉપરાષ્ટ્રપતિ કમલા હેરિસે પણ હોળીની શુભકામનાઓ આપી હતી. તેમણે ટ્વિટ કરીને કહ્યું કે આનંદથી ભરપૂર આ તહેવાર સકારાત્મકતાનો સંદેશ આપે છે. આ મુખ્ય રૂપે હિન્દુ તહેવાર છે પણ અને ધર્મના લોકોને પણ આ તહેવારને મનાવે છે. આ તહેવાર દેશમાં વસંતના આગમનનું પ્રતિક છે.
ઓસ્ટ્રેલીયાના પ્રધાનમંત્રી સ્કોટ મોરિસને પીએમ મોદીને હોળીની શુભકામનાઓ આપતા કહ્યું કે ઑસ્ટ્રેલિયાયના હિન્દુઑ અને મારા મિત્ર નરેન્દ્ર મોદીને આ તહેવારની શુભમાકનાઓ. આ સાથે જ તેમણે વીડિયો સંદેશ પણ પોસ્ટ કર્યો છે.
કોરોના વાયરસના કારણે રંગમાં પડ્યો ભંગ
નોંધનીય છે કે કોરોના વાયરસના કારણે આ વર્ષે ધૂળેટીના રંગમાં ભંગ પડ્યો છે. ગુજરાત સહિતના રાજ્યોમાં પ્રતિબંધો લગાવી દેવામાં આવ્યા છે અને લોકોને ઘરમાં રહીને જ તહેવાર ઉજવવાની તાકીદ કરવામાં આવી રહી છે.