સુરતઃ નર્મદા નદીમાંથી કાવડ ભરીને સુરત જઇ રહેલા કાવડીયાઓને ટ્રકે ઉડાવ્યા 1નું મોત

સુરતઃ કીમ ચાર રસ્તા પાસે અકસ્માતની ઘટના સામે આવી છે. કીમ ચાર રસ્તા પાસે સિયાલજ પાટિયા પર ટ્રક ચાલકે કાવડિયાઓને ઉડાવ્યા હતા. આ ઘટનામાં 1 કાવડિયાનુ ઘટનાસ્થળે મોત નિપજ્યુ હતુ. જ્યારે એક ઈજાગ્રસ્ત થયો હતો. ભરૂચ નર્મદા નદીમાંથી કાવડ ભરીને પરત સુરત તરફ ફરી રહ્યા હતા. આ દરમિયાન સિયાલજ પાટિયા પાસે અકસ્માત થયો હતો.

આ ઘટના બાદ કાવડિયાઓમાં રોષ જોવા મળ્યો હતો. રોષે ભરાયેલા 500 જેટલા કાવડિયાઓએ હાઈવે પર ચક્કાજામ કર્યો હતો. આ ઘટના બાદ ઘટનાસ્થળેથી મૃતદેહ હટાવવાનો કાવડિયાનો ઈન્કાર કર્યો હતો. આ ઘટનાની જાણ થતા DYSP LCB SOGનો પોલીસ કાફલો ઘટનાસ્થળે પહોંચ્યો હતો.

મહત્વનું છે કે આ ટ્રક ફરી વળતા એક કાવડીયાને ઇજા પહોંચી હતી. સિયાલજ પાટિયા નજીક આશરે 500 જેટલા કાવડીયાઓએ હાઇ-વે પર ચક્કાજામ કર્યો હતો. જેને લઇ ટ્રાફિક જામની સ્થિતિ સર્જાઇ હતી.