જુનાગઢમાંથી ફરી સામે આવ્યો હનીટ્રેપનો કિસ્સો યુવકને ફસાવી 5 લાખ પડાવ્યા

જુનાગઢમાંથી ફરી હનીટ્રેપનો કિસ્સો સામે આવ્યો છે. જેમાં અમરેલીના યુવાનને શિકાર બનાવી તેની પાસે થી રૂ. ૫ લાખ પડાવી લીધા છે અને યુવાને પોલીસમાં ફરિયાદ કરતા સમગ્ર મામલો ખુલ્લો પડ્યો છે. પોતાના મિત્રો સાથે કાવતરું બનાવી અમરેલીના મહેશભાઈ ઉમાશંકર જોશી નામના યુવાનને નિશાન બનાવ્યો હતો અને તેની પાસે થી રૂ. ૫ લાખ પડાવી લીધા હતા.

જુનાગઢના ખામધ્રોળ વિસ્તારમાં રહેતી હીના સોલંકી તેના મિત્રો રાહુલ આહીર અને અરવિંદ ગજેરા નકલી પોલીસ બની મહેશ જોશી પાસે થી રૂ. ૫ લાખ પડાવી લીધા હતા. ફરિયાદ મહેશ જોશી ગત તા. ૬-૮-૨૦૧૮ના રોજ અમરેલીથી તેમના મિત્રો મનસુખભાઈ અને અશ્વિનભાઈ મિસ્ત્રી સાથે જુનાગઢ ફરવા આવ્યા હતા.

ત્યારે મનસુખભાઈએ તેમની સ્ત્રી મિત્ર રેખાના ઘરે જવાનું કહ્યું હતું અને ત્યાં રેખા સાથે હીના સોલંકી અને અન્ય સ્ત્રી હાજર હતી ત્યાં રાહુલ આહીર અને અરવિંદ ગજેરા બન્ને નકલી પોલીસ બની આવી પહોચ્યા હતા અને ધાકધમકી આપી આ ત્રણેય લોકોને ગોંધી રાખ્યા હતા અને રૂ. ૧૦ લાખની માંગણી કરી હતી. જેમાંથી મહેશ જોશીએ આંગડીયા મારફત રૂ. ૫ લાખ મંગાવી આરોપીઓને આપ્યા હતા. ત્યારબાદ મહેશભાઈ જોશીએ આ તમામ વિરુદ્ધમાં ફરિયાદ નોધાવી હતી.

આમ પોતાના રૂપ અને સ્ત્રી હોવાનો લાભ લઇ પુરુષોને પ્રથમ મીઠી મીઠી વાતો કરી પછી તેમને એકાંતમાં મળવા બોલાવી અને તેમના મિત્રો સાથે મળી પુરુષોને ફસાવી રૂપિયા વસુલવાનું કામ કરે છે. હાલ તો આ તમામ જેલના સળિયા પાછળ ધકેલાયા છે અને પોલીસ વધુ તપાસ કરી રહી છે.

1 ક્લિક પર જોડાવો VTV ના સોશિયલ એકાઉન્ટ્સ સાથે...