UP / અયોધ્યા બાદ હવે મથુરાનો વારો! હિન્દુ મહાસભાએ ઈદગાહમાં કૃષ્ણ મૂર્તિ સ્થાપવાનું આહ્વાહન કરતાં પોલીસ દોડતી થઈ

• વહીવટીતંત્રે શ્રી કૃષ્ણ જન્મભૂમિ-શાહી ઇદગાહ સંકુલ તેમજ આસપાસના વિસ્તારોની સુરક્ષા વધારી 
• તંત્રે ઉશ્કેરણીજનક પોસ્ટ  કરવાથી દૂર રહેવાની અપીલ કરી 
• પોલીસે કહ્યું ઉશ્કેરણીજનક પોસ્ટ કરવા માટે કોઈને બક્ષવામાં આવશે નહીં

તંત્રે શ્રી કૃષ્ણ જન્મભૂમિ-શાહી ઇદગાહ સંકુલ તેમજ આસપાસના વિસ્તારોની સુરક્ષા વધારી  

ઉત્તર પ્રદેશના મથુરામાં શાહી ઇદગાહ ખાતે ભગવાન કૃષ્ણની મૂર્તિ સ્થાપિત કરવાની અને સંકલ્પ જેવા કાર્યક્રમોનું આયોજન કરવાની અનેક સંસ્થાઓની જાહેરાતને ધ્યાનમાં રાખીને વહીવટીતંત્રે શ્રી કૃષ્ણ જન્મભૂમિ-શાહી ઇદગાહ સંકુલ તેમજ આસપાસના વિસ્તારોની સુરક્ષા વધારી દીધી છે.  

જિલ્લા વહીવટીતંત્રે ઉશ્કેરણીજનક પોસ્ટ  કરવાથી દૂર રહેવાની અપીલ કરી 

જિલ્લા વહીવટીતંત્રે સામાન્ય લોકોને કોઈપણ વિવાદાસ્પદ પ્રવૃત્તિમાં ભાગ લેવા અથવા સોશિયલ મીડિયા પર કોઈપણ ઉશ્કેરણીજનક પોસ્ટ કરવાથી દૂર રહેવાની અપીલ પણ કરી છે અને આવું કરનારાઓ સામે કડક કાર્યવાહીની ચેતવણી આપી છે.

હિન્દુ મહાસભાએ કહ્યું હતું કે, 6 ડિસેમ્બરે મસ્જિદમાં ભગવાન કૃષ્ણની મૂર્તિ સ્થાપિત કરાશે
 
હિન્દુ મહાસભાએ જાહેરાત કરી હતી કે મથુરામાં એક મુખ્ય મંદિરની નજીક મસ્જિદો હશે, જ્યાં 6 ડિસેમ્બરે ભગવાન કૃષ્ણની મૂર્તિ સ્થાપિત કરવામાં આવશે. બીજી બાજુ અન્ય એક જમણેરી સંગઠન નારાયણી સેનાએ કહ્યું છે કે તે મસ્જિદને હટાવવાની માંગ સાથે વિશ્રામ ઘાટથી શ્રી કૃષ્ણ જન્મસ્થાન સુધી કૂચ કરશે.

પોલીસે કહ્યું ઉશ્કેરણીજનક પોસ્ટ કરવા માટે કોઈને બક્ષવામાં આવશે નહીં

આને ધ્યાનમાં રાખીને ડીએમ નવનીત સિંહ ચહલે કહ્યું કે મથુરામાં શાંતિ ભંગ કરવાની કોઈને મંજૂરી આપવામાં આવશે નહીં. પોલીસ અધિક્ષકમાર્તંડ પ્રકાશ સિંહે કહ્યું કે પોલીસ કર્મચારીઓને સતર્ક રહેવા સૂચના આપવામાં આવી છે. યલો ઝોનમાં પોલીસ-પીએસી તૈનાત કરવામાં આવી છે. તે જ સમયે, વરિષ્ઠ પોલીસ અધિક્ષક ડૉ. ગૌરવ ગ્રોવર પણ પરિસ્થિતિ પર નજર રાખી રહ્યા છે. તેમણે કહ્યું, 'ઉશ્કેરણીજનક પોસ્ટ કરવા માટે કોઈને બક્ષવામાં આવશે નહીં. આવા લોકો સામે કડક કાર્યવાહી કરવામાં આવશે.