અહીંયાની મહિલાઓ વર્ષમાં પાંચ દિવસ સુધી નથી પહેરતી કપડાં વર્ષોથી ચાલી રહી છે પરંપરા

દુનિયામાં એવી ઘણી પરંપરાઓ નિભાવવામાં આવે છે જેને જાણીને તમે હેરાન થઇ જશો. ભારતમાં એક જગ્યા એવી પણ છે જ્યાં પરણિત મહિલાઓ પાંચ દિવસ સુધી કપડાં પહેરતી નથી. સાંભળવામાં ભલે તમને અજીબ લાગે પરંતુ આ પાંચ દિવસોમાં એ કપડાં વગર રહે છે. આવું વર્ષોથી ચાલતું આવ્યું છે અને તેઓ આ પરંપરા હજુ પણ નિભાવી રહી છે. 

આ પરંપરા હિમાચલ પ્રદેશના મણકર્ણ ઘાટીમાં પીણી ગામમાં નિભાવવામાં આવે છે. આ ગામમાં વર્ષમાં 5 દિવસ મહિલાઓ કપડાં પહેરતી નથી. આ પરંપરાની ખાસ વાત એ છે કે આ સમયે તે પુરુષોની સામે આવતી નથી. 

શ્રાવણ મહિનામાં આ પરંપરાને અપનાવામાં આવે છે. પૂર્વજોના સમયથી આ પરંપરા ચાલતી આવી છે. માન્યતાઓ અનુસાર જો આ ગામમાં આજે કોઇ પણ સ્ત્રી આ પરંપરા નિભાવતી નથી તો એના ઘરમાં અશુભ થઇ જાય છે. આ કારણથી પરંપરા નિભાવવામાં આવે છે. 

કેટલાક લોકોનું માનવું છે કે થોડાક વર્ષો પહેલા અહીંયા એક રાક્ષસ સુંદર કપડાં પહેરતી મહિલાઓને ઊઠાવીને લઇ જતો હત જેનો અંત આ ગામના દેવતાઓએ કર્યો. એટલા માટે 5 દિવસ સુધી લોકો હસવાનું પણ બંધ કરી દે છે અને મહિલાઓ પોતાને સાંસારિક દુનિયાથી અલગ કરી દે છે. જો કે હવે નવી પેઢી આ પરંપરાને થોડીક અલગ રીતે નિભાવે છે. આજની મહિલાઓ આ 5 દિવસોમાં કપડાં બદલતી નથી અને ખૂબ જ પાતળા કપડા પહેરે છે.