ઝટકો / ટોરેન્ટ પાવરે આ ચાર્જમાં કર્યો વધારો, અમદાવાદ અને ગાંધીનગરના વીજગ્રાહકોનું આટલું બિલ વધીને આવશે

• અમદાવાદ- ગાંધીનગરના વીજગ્રાહકો માટે માઠા સમાચાર 
• ટોરેન્ટ પાવરના બિલમાં થશે વધારો 
• 5 અને 10 પૈસા પ્રતિ યુનિટ વધારો 

કોરોના વાયરસ મહામારીમાં જનતા પરેશાન છે ત્યાં પેટ્રોલ ડીઝલના ભાવ જનતાની કમર તોડી રહી છે એવામાં અમદાવાદ અને ગાંધીનગરમાં રહેતા લોકો માટે વીજળીના બિલ પણ મોંઘા થઈ જવાનો વારો આવ્યો છે. 

આ ગ્રાહકો માટે 5 પૈસાનો વધારો 

ટોરન્ટ પાવરથી વીજળીની સેવા લેતા ગ્રાહકોમાં 51થી 200 યુનિટ પ્રતિ મહિના સુધી વીજળીનો વપરાશ કરતાં કન્ઝ્યુમરના બિલમાં એક યુનિટ પર પાંચ પૈસા એનર્જી ચાર્જ વધારવામાં આવી રહ્યો છે. 

200 યુનિટથી વધારે વપરાશકર્તાઑ પર 10 પૈસાનો વધારો 

આટલું જ નહીં અમદાવાદ અને ગાંધીનગરમાં રહેણાંક વિસ્તારો સહિતના બધા જ ગ્રાહકો જે એક મહિનાના 200 યુનિટથી વધારે  વીજળીનો વપરાશ કરે છે તેમના પર એનર્જી ચાર્જમાં દર યુનિટમાં 10 પૈસા એનર્જી ચાર્જ વધારી દેવામાં આવ્યો છે. 

• - ઉત્તર ગુજરાત વીજ કંપનીના ટેરિફમાં કોઈ ફેરફાર નહીં 
• - 50 યુનિટથી ઓછો વપરાશ કરતાં BPL કેટેગરી તથા નાના રહેણાંક વિસ્તારોના વીજગ્રાહકો માટે ટેરિફમાં કોઈ વધારો નહીં 
• - અમદાવાદ-ગાંધીનગરના GLP કેટેગરીમાં આવતા ગ્રાહકોના ટેરિફમાં કોઇ ફેરફાર નહીં