અહેવાલ / ગફલતમાં રહ્યાં તેમાં માર્યા ગયા 1,040 લોકો, તમે ન રહેતા તાબડતોબ કરી લેજો આવું કામ

• દેશમાં વધતું જતું માર્ગ અકસ્માતનું જોખમ
• મોબાઈલના ઉપયોગથી 2021માં થયા 1,997 અકસ્માત
• અકસ્માતમાં 1,040 લોકોએ જીવ ગુમાવ્યા

દેશમાં માર્ગ અકસ્માતનું કારણ મોટાપાયે વધી રહ્યું છે. તેવામાં માર્ગ પરિવહન અને ધોરીમાર્ગ મંત્રાલય દ્વારા એક અહેવાલ બહાર પાડવામાં આવ્યો છે. જેમાં ડ્રાઇવિંગ કરતી વખતે મોબાઇલ ફોનનો ઉપયોગ કરવાનો કારણે 2021માં કુલ 1,997 અકસ્માતો થયા હોવાનું સામે આવ્યું છે. જેમાં 1,040 લોકોએ જીવ ગુમાવ્યા હતા. અહેવાલમાં જણાવ્યા અનુસાર રેડ લાઈટ ક્રોસિંગને કારણે 555 માર્ગ અકસ્માત થયા છે. આ ઘટનામાં  222 લોકોને જીવ ગુમાવવાનો વારો આવ્યો છે.

ખાડાઓને કારણે 3,625 અકસ્માત

આ ઉપરાંત ખાડાઓને કારણે 3,625 અકસ્માત થાય હતા જેમાં 1,481 લોકોને કાળ ભેટ્યો હોવાનું સામે આવ્યું છે. કેન્દ્ર અને રાજ્ય સરકારોની તમામ એજન્સીઓના સંયુક્ત પ્રયાસો દ્વારા માર્ગ અકસ્માતોને રોકવા જરૂરી બન્યા છે. જેને અટકાવવા એજન્સી દ્વારા કાર્યવાહી પણ ચાલી રહી હોવાનું જાણવા મળી રહ્યું છે.

2021માં બેદરકારીને કારણે 9,150 લોકોના મોત થયા હતા

તે જ રીતે વર્ષ 2021માં ડ્રાઇવરની ભૂલ તેમજ બેદરકારીને કારણે 19,478 અકસ્માતો થયા છે અને તેમાં 9,150 લોકોને કાળ ભેટ્યો છે. ઉપરાંત 19,077 લોકો ઘાયલ થયા હતા. અહેવાલમાં જણાવ્યા મુજબ વાહનની વધુ ઝડપ, ધ્યાન ભંગ અને ગોળાઈને કારણે વાહન પરનો કાબુ ગુમાવતા અકસ્માત સર્જાઈ છે. કેન્દ્રીય માર્ગ પરિવહન અને રાજમાર્ગ મંત્રાલયના આ અહેવાલ મુજબ, 2021માં કુલ 4,12,432 માર્ગ અકસ્માતો થયા હતા, આ અકસ્માતમાં 1,53,972 લોકોના મોત થયા હતા, તો 3,84,448 લોકો ઘાયલ છે. જેમાં સૌથી વધુ 21.2 ટકા અકસ્માત પાછળથી વાહન અથડાવાને કારણે થયા હતા જેના કારણે 18.6 ટકા લોકોના મોત થયા હતા.