હવામાન / મુંબઇમાં ફરી ભારે વરસાદ, સ્કૂલ બંધ, 10 ફલાઇટ રદ્દ, 48 કલાકનું એલર્ટ

મહારાષ્ટ્રના ઠાણે વિસ્તારમાં દરેક સરકારી સ્કૂલ બંધ કરવા આદેશ અપાયો છે. મુંબઇના મલાડ વિસ્તારમાં સતત વરસાદના કારણે રોડ પર પાણી ભરાયાં છે. હવામાન વિભાગના જણાવ્યાં અનુસાર મુંબઇ, નવી મુંબઇ, ઠાણે અને પાલઘર સહિત ઉત્તર કોંકણ વિસ્તારમાં વરસાદને લઇને એલર્ટ આપવામાં આવ્યું છે.

મુંબઇમાં અડધી રાતથી પડી રહેલા ભારે વરસાદના કારણે એરપોર્ટપરથી 10 ફલાઇટ રદ્દ કરવામાં આવી છે. હવામાન વિભાગે મુંબઇ સહિત આસપાસના વિસ્તારોમાં સોમવાર સુધીમાં ભારે વરસાદની ચેતવણી આપી છે. મુંબઇ સહિત ગોવામાં પણ 48 કલાકમાં ભારે વરસાદનું એલર્ટ આપવામાં આવ્યું છે.

મુંબઇના જોગેશ્વરી વિસ્તાર અને દહીસરમાં ભારે વરસાદ પડ્યો જેના કારણે રસ્તાઓ પર પાણી ભરાઇ ગયા છે. ત્યારે રોડ-રસ્તાઓ પર પાણી ભરાતાં વાહનચાલકોને મુશ્કેલીઓનો સામનો કરવો પડી રહ્યો છે. આગામી 24 કલાકમાં ભારેથી અતિભારે વરસાદની આગાહી હવામાન વિભાગ દ્વારા કરવામાં આવી છે.
 

Maharashtra: Waterlogging in Malad area of Mumbai due to incessant rainfall in the region. #MumbaiRains pic.twitter.com/o3nChfnbH8

— ANI (@ANI) August 3, 2019

મુંબઇમાં આગામી 48 કલાકમાં ભારે વરસાદનું એલર્ટ આપવામાં આવ્યું છે. બંગાળની ખાડીમાં અપર એરસર્કયુલેશન સર્જાતાં ભારતીય હવામાન વિભાગે શનિવાર અને રવિવારના રોજ મુંબઇમાં ભારે વરસાદની ચેતવણી આપી છે.

મુંબઇમાં ભારે વરસાદ પડી રહ્યો છે. ત્યારે પાલઘરમાં તેજ વરસાદના કારણે ઠેરઠેર પાણી ભરાઇ ગયા છે. જેને લઇ હાલ બજારો પણ બંધ હાલતમાં છે.  જ્યારે મલાડ વિસ્તારમાં પણ ભારે વરસાદ પડી રહ્યો છે. જેના કારણે અંડરબ્રિજ સહિતમાં વરસાદી પાણી ભરાઇ ગયા છે. પાણી ભરાતા વાહનવ્યવહાર ખોરવાયો છે.
 

Maharashtra: Palghar Collector Kailash Shinde has issued orders that all schools & colleges in Palghar will remain closed today, in view of continuous rainfall in the area. https://t.co/zyLq3fIgRB

— ANI (@ANI) August 3, 2019

હવામાન વિભાગના જણાવ્યાં અનુસાર ઠાણે, પાલઘર અને રાયગઢ જિલ્લામાં બે દિવસ ભારે વરસાદની શક્યતા છે. ઉલ્લેખનીય છે કે ગત અઠવાડિયામાં પણ શનિવાર અને રવિવારે મુંબઇ સહિત મહારાષ્ટ્રના અનેક વિસ્તારોમાં ભારે વરસાદના કારણે જનજીવન અસ્તવ્યસ્ત થયું હતું. પૂરના કારણે મુંબઇની નજીક મહાલક્ષ્મી એક્સપ્રેસમાં પ્રવાસીઓ ફસાઇ ગયા હતા, જેને સુરક્ષિત  બહાર કાઢવામાં આવ્યાં હતા.

લેન્ડ સ્લાઇડના કારણે મુંબઇ-ગોવા હાઇવે બંધ
મહારાષ્ટ્રના રાયગઢ જિલ્લામાં ભૂસ્ખલન થતાં મુંબઇ-ગોવા હાઇવે બંધ કરી દેવામાં આવ્યો છે. પોલાદપુર પોલીસ ક્ષેત્રમાં ધામન દેવી પાસે ભૂસ્ખલનની ઘટના બની છે. જો કે ભૂસ્ખલન દરમિયાન કોઇ વાહન પસાર ન થતું હોવાથી જાનહાનિ ટળી છે. ભૂસ્ખલનના કારણે વાહનની આવન-જાવન રોકી દેવામાં આવી છે.