ન્યૂ દિલ્હીઃ નવી ગાડી ખરીદ્યાં બાદ આપે હાઇ-સિક્યોરિટી રજિસ્ટ્રેશન પ્લેટ (HSRP)ને માટે રાહ જોવી નહીં પડે. ના તો વેન્ડરથી તેને લગાવવા માટે રાહ જોવી પડી. માર્ગ પરિવહન મંત્રાલયે ઓટોમોબાઇલ મેન્યુફેક્ચર્સને માટે ગાડી સાથે જ HSRP આપવી એ ફરજિયાત કરી દીધેલ છે. આ સાથે જ ગાડી વહેચતા પહેલાં આ નંબર પ્લેટ તેની પર લગાવવી એ ડીલર્સને માટે જરૂરી હશે. આ વ્યવસ્થા એપ્રિલ 2019થી લાગુ હશે.
વાહન નિર્માતા કંપનીઓ થર્ડ રજિસ્ટ્રેશન માર્ક પણ બનાવશે કે જેમાં ગાડીમાં ઉપયોગ થનારા ફ્યૂલને માટે કલર કોડિંગ પણ રહેશે. ગાડીનાં શો રૂમથી બહાર નીકળતા પહેલા અધિકૃત ડીલર્સ આને ગાડીની વિન્ડ શીલ્ડ પર લગાવશે.
ત્યાં જ બીજી બાજુ હાલનાં વાહનો માટે સરકારનાં નોટિફિકેશનમાં કહેવામાં આવેલ છે કે 'જૂના વાહનો પર રજિસ્ટ્રેશન માર્ક લાગ્યા બાદ વાહન નિર્માત કંપની તરફથી સપ્લાઇ કરવામાં આવેલ આવી નંબર પ્લેટને કંપનીનાં ડિલર્સ પણ લગાવી શકે છે.'
ચોરોથી કાર રહેશે સુરક્ષિતઃ
હાઇ-સિક્યોરિટી રજિસ્ટ્રેશન પ્લેટ પાંચ વર્ષની ગેરંટી સાથે આવશે. થર્ડ રજિસ્ટ્રેશન માર્ક એવું રહેશે કે એક વાર નીકાળ્યાં બાદ તે ખરાબ થઇ જશે. સ્ટીકરમાં રજિસ્ટ્રેશન કરવાવાળી ઓથોરિટી રજિસ્ટ્રેશન નંબર લેઝર-બ્રૈંડેંડ પરમેનેન્ટ નંબર એન્જીન નંબર અને ચોઇસીસ નંબરની ડિટેઇલ હશે કે જે વાહનને ચોરોથી સુરક્ષિત રાખશે. સુપ્રિમ કોર્ટે પ્રદૂષણ કરનાર ગાડીઓની તુરંત ઓળખ માટે ફ્યૂલની કલર કોડિંગ સ્કીમને મંજૂરી આપી દીધી છે.
દેશભરમાં કરાશે લાગુઃ
એક અધિકારીએ કહ્યું કે 'હાઇ-સિક્યોરિટી રજિસ્ટ્રેશન પ્લેટની કિંમત ગાડીની કિંમતમાં જ શામેલ થઇ જશે. એક ખાસ નંબર સાથે આ રજિસ્ટ્રેશન પ્લેટ્સ સરકારનાં વાહન ડેટા સાથે લિંક થશે. આ નવી યોજના વાહન માલિકોને વધારે રાહત આપશે કેમ કે કોઇ પણ પ્રકારનાં હેરેસમેન્ટનો સામનો નહીં કરવો પડે. આને સમગ્ર દેશભરમાં લાગુ કરવામાં આવશે.'