ચેતવણી / ગુજરાતની આ બોર્ડર જ્યાં આતંકવાદીઓ કીચડમાં છુપાઈને ઘૂસણખોરી કરી શકે છે

નૌસેના પ્રમુખે પોતાનાં એલર્ટમાં કહ્યું કે, પાકિસ્તાની કમાન્ડો કચ્છમાં ઘુસી શકે છે. આ કારણ તટરક્ષક સુરક્ષાદળ એલર્ટ રહે. આ પહેલાં નૌસેનાએ પોતાનાં તમામ યુદ્ધજહાજોને એલર્ટ પર રાખ્યાં હતાં. તમને જણાવી દઇએ કે પાંચ દિવસ પહેલા સીમા સુરક્ષા દળ (બીએસએફ) એ ગુજરાતનાં કચ્છ જિલ્લાની પાસે ભારત-પાકિસ્તાન સીમાથી હરામી નાળા (Harami Nala) ક્રીક ક્ષેત્રમાં પાકિસ્તાનની માછલી પકડનારી બે ખાલી હોડીને જપ્ત કરી હતી. આ હોડીઓને જપ્ત કર્યા બાદ બીએસએફએ સર્ચ અભિયાન શરૂ કર્યુ હતું.

ભારત-પાકિસ્તાન સીમાથી લાગેલી કચ્છનાં સરક્રીકમાં 'હરામી નાળું' છે. સામાન્ય લોકોને માટે પૂર્ણ રૂપથી પ્રતિબંધિત આ ક્ષેત્રમાં 8 કિ.મી લાંબો ખતરનાક કીચડ છે. આ વૉટર ચેનલ અંદાજે પાંચ સો વર્ગ કિ.મીમાં ફેલાયલી છે. છેલ્લાં કેટલાંય વર્ષોથી આ વિસ્તાર પાકિસ્તાની માછીમારો દ્વારા જળસીમાનાં ઉલ્લંઘનનાં સાક્ષી રહ્યાં છે. પાકિસ્તાને આ વિવાદિત ક્રીક ક્ષેત્રને બે કિલોમીટર લાંબી અને 50 મીટર પહોળી એક કૃત્રિમ ચેનલ ખોદીને મિલાવી લીધેલ છે.

થોડાં દિવસ અગાઉ જ પાકિસ્તાની બોટ મળી હતી

24 ઓગસ્ટના રોજ બોર્ડર સિક્યુરિટી ફોર્સને કચ્છમાં ભારત-પાકિસ્તાન સરહદ નજીક માછીમારીની બે ખાલી બોટ મળી આવી હતી. આ બોટ કચ્છના 'હરામી નાળા' નજીકથી મળી આવ્યા બાદ બીએસએફ દ્વારા આ વિસ્તારમાં સર્ચ ઓપરેશન શરૂ કરાયું હતું.

જો કે આ નૌકાઓમાંથી કોઈ શંકાસ્પદ સામાન મળી આવ્યો ન હતો. તેમ છતાં, સુરક્ષા એજન્સીઓ દ્વારા આતંકવાદી હુમલાના ઇનપુટ મળ્યા બાદ આસપાસના કેટલાક વિસ્તારોમાં તપાસ હાથ ધરવામાં આવી હતી.