એલર્ટ / PM મોદીના પ્રવાસ પહેલા સમગ્ર પંજાબમાં હાઈ ઍલર્ટ, ISIએ આતંકી ષડ્યંત્ર રચ્યું હોવાની બાતમી

• PM મોદીની મોહાલી મુલાકાત પહેલા પંજાબમાં આતંકવાદી હુમલાને લઈને એલર્ટ જાહેર 
• પંજાબમાં આતંક મચાવવા પાકિસ્તાની ગુપ્તચર એજન્સી ISIના કાવતરાને લઈ એલર્ટ 
• પંજાબના 10 નેતાઓ આતંકીઓના નિશાના પર હોઇ કેન્દ્ર સરકાર સુરક્ષા આપી શકે છે 

આગામી દિવસોએ વડાપ્રધાન નરેન્દ્ર મોદી મોહાલીની મુલાકાત કરવાના છે. આ દરમ્યાન હવે નરેન્દ્ર મોદી મોહાલીની મુલાકાત પહેલા પંજાબમાં આતંકવાદી હુમલાને લઈને એલર્ટ જાહેર કરવામાં આવ્યું છે. પંજાબમાં આતંક મચાવવા પાકિસ્તાની ગુપ્તચર એજન્સી (ISI)ના કાવતરાને લઈને આ એલર્ટ જાહેર કરવામાં આવ્યું છે. 

દેશની ગુપ્તચર એજન્સીઓએ એક મહત્વપૂર્ણ એલર્ટ જાહેર કરીને કહ્યું છે કે, પાકિસ્તાની ગુપ્તચર એજન્સી ISI ચંદીગઢ અને મોહાલીમાં આતંકી હુમલાનું કાવતરું ઘડી રહી છે. એલર્ટ મુજબ આતંકવાદીઓ ચંદીગઢ અને મોહાલીમાં હુમલો કરી શકે છે. આતંકવાદીઓ બસ સ્ટેન્ડને નિશાન બનાવી શકે છે. ગુપ્તચર એજન્સીઓએ રાજ્ય પોલીસ, જીઆરપી અને રાજ્ય ગુપ્તચર એજન્સીને એકબીજા સાથે સંકલન કરીને ઈનપુટ્સ પર કામ કરવા કહ્યું છે. ગુપ્તચર એજન્સીઓને ટાંકીને મોટા સમાચાર છે કે પાકિસ્તાની ગુપ્તચર એજન્સી ISIએ પંજાબમાં આતંક મચાવવાનું મોટું ષડયંત્ર રચ્યું છે.

પંજાબના 10 નેતાઓ છે આતંકીઓના નિશાના પર

પંજાબમાં આતંકી હુમલાનું એલર્ટ છે. ISIએ ચંદીગઢ અને મોહાલીમાં આતંક મચાવવાનું ષડયંત્ર રચ્યું છે. સૂત્રોના જણાવ્યા અનુસાર પંજાબના 10 નેતાઓ આતંકવાદીઓના નિશાના પર છે. કેન્દ્ર સરકાર તેમને સુરક્ષા આપી શકે છે. 
 
PM મોદીના પ્રવાસ પહેલા એજન્સીઓ એલર્ટ

મહત્વપૂર્ણ છે કે, વડાપ્રધાન નરેન્દ્ર મોદીની મોહાલી મુલાકાતને લઈને એજન્સીઓ એલર્ટ પર છે. દરેક જગ્યાએ સુરક્ષા સઘન કરી દેવામાં આવી છે. ISI સાથે જોડાયેલા લોકોને શોધી કાઢવાના પ્રયાસો કરવામાં આવી રહ્યા છે.